Աշխարհի տարբեր երկրներում Ամանորը նշվում է տարբեր կերպ և նաև տարբեր օրեր: Չնայած եվրոպացիները0 Նոր տարին դիմավորում են դեկտեմբերի 31 -ին, սակայն նրանց համար գլխավոր տոնը Սուրբ Ծնունդն է:
Օրինակ, անգլիայի բնակիչները կեսգիշերին բացում են տան ետևի կողմի դռները` հին տարին դուրս բերելու համար, և բացում են մուտքի դուռը` նոր տարին ներս թողնելու համար:
Ֆրանսիայում Ձմեռ պապը Պեր Նոելն է, ով այցելում է Նոր տարվա գիշերը և նվերները թողնում մանկական ոտնամանների մեջ: Ավստրիայում համոզված են, որ երջանիկ լինելու համար ամանորյա գիշերը պետք է ուտել խոզի գլխի մի կտոր: Նույն կերպ են մտածում նաև ուկրաինացիները:
Գերմանիան յուրահատուկ ավանդույթը ունի. հենց սլաքները սկսում են կեսգիշերն ազդարարել, տարբեր տարիքի մարդիկ բարձրանում են սեղանների, աթոռների, բազկաթոռների վրա և ուրախ բացականչություններով, ժամացույցի վերջին զարկի հետ «ցատկում» Նոր տարի:
Իտալիայում հին տարվա վերջին րոպեներին նրանք դուրս են նետում հին իրերը: Նման կերպ նրանք ցանկանում են նոր տարուն նորը ձեռք բերել: Իսպանիայում Նոր տարվա գիշերը, ժամացույցի զարկերի հետ պետք է հասցնել ուտել խաղողի 12 հատիկ: Կոլումբիայում Նոր տարին վերածվում է վառ ու անսովոր կառնավալի: Դեկտեմբերի 31-ին տեղի է ունենում տոնական շքերթ: Բրազիլիայում եւս Նոր տարին նշում են նույնքան վառ, ինչպես Կոլումբիայում:
Չինաստանում Նոր տարին լապտերների տոն է: Այն նշվում է Լուսնային օրացույցի տասնհինգերորդ օրը: Հնդկաստանում Նոր տարին նշելու համար 8 ամսաթիվ կա, քանի որ այդ երկրում տարբեր մշակույթներ են խաչվում:
.gif)
