Ինչ է ուզում Վարդան Այվազյանը Ձմեռ պապից, և ինչ կնվիրի նա իր կնոջն Ամանորին

Armlur.am-ը, ամփոփելով 2015 թվականը, մի քանի հարց ուղղեց ՀՀԿ խմբակցության պատգամավոր Վարդան Այվազյանին:

-Տարվա ձեռքբերում:

-Սովորական նորմալ տարի էր, մի տարի էլ անցավ: Ձեռքբերում չեմ կարող ասել:

-Տարվա ձախողում:

-Ձախողում նույնպես չեմ տեսնում: Ընթացիկ նորմալ տարի էր: Հայ ընտանիքի համար հայկական ավանդական տարի էր, մի տարով էլ ծերացանք:

-Տարվա իրադարձությունը:

-Քաղաքական կյանքում` նոր սահմանադրության ընդունումը:

-Ի՞նչ կփոխեիք 2015-ին:

– Շատ բաներ կփոխեի: Բայց երկար են, չեմ կարող ասել:

-Ձմեռ պապին տեսնելիս ի՞նչ կասեիք:

-Կասեի` մի քիչ հաճախ այցելի, բայց ոչ թե մեր յան, այլ` ընդհանրապես Հայաստան:

Ամենակարևոր իրադարձությունը ձեր կյանքում:

-Առանձնահատուկ չեմ կարող ինչ-որ մի բան նշել, բոլոր իրադարձություններն էլ առանձնահատուկ են: Այն օրերը, որոնք որ մնացել են հիշողության մեջ: Դրանք բազում կարող են լինել: Չեմ կարող առաձնացնել:

-Ձեր ստացած ամենաթանկ նվերը:

-Տղայիս համբույրը:

-Ինչ եք ամենից շատ սիրում նվիրել ձեր կնոջն Ամանորին:

-Ծաղիկներ, սիրո համբույր, բարեմաղթանք:

-Ինչ եք ցանկանում 2016-ին:

– 2016 թվականին երեք բան եմ ցանկանում: Առաջինը` խաղաղություն, երկրորդը` առողջություն,  դրանք անհրաժեշտ պայման են, առավել ևս` խաղաղությունը: Այս երկուսի հետ մի քիչ էլ հաջողություն եմ ցանկանում:

–Ի՞նչը չեք փոխի 2016 թվականին:

-Ինձ չեմ փոխի, միջավայրս չեմ փոխի, ընկերներիս, երկիրս չեմ փոխի: Շատ բան կփոխեմ, բայց սրանք չեմ փոխի, որովհետև անկախ որևէ բանից` դրանք մնայուն արժեքներ են:

-Իսկ ի՞նչը կփոխեիք:

-Այնքան բան կան: Շատ բան կփոխեի:

Զրուցեց Արփինե Թովմասյանը