Աշխատանքը մնում է աշխատանք, սակայն տոները պետք է նշել ըստ արժանվույն: Աշխարհի տարբեր երկների առաջնորդն արդեն որոշել են թե որտեղ և ինչպես կնշեն ամանորյա տոները: RBK-ն պարզել է ղեկավարների ծրագրերը և հիշել, թե ինչով էին նրանք զբաղված անցյալ տարի:
ԱՄՆ նախագահ Բարաք Օբամա
ԱՄՆ նախագահ Բարաք Օբաման արդեն ութերորդ տարին է ինչ նախընտրում է Սուրբ Ծնունդն անցկացրել Հավայան կղզիներում: Ավանդաբար ԱՄՆ-ի առաջին ընտանիքն իր համար ընտրում է Օախու կղզին, որտեղը օրը 3500 դոլարով վարձակալում է տունը: Իսկ նախորդ տարի նախագահական ընտանիքի տոների ընդհանուր գումարը կազմեց 4 մլն դոլար, հայտնում է Daily Mail-ը:
Բարաք Օբաման այս անգամ կնոջ և երեխաների հետ Հավայան կղզիներ մեկնել էր դեկտեմբերի 18-ին, որտեղ ընդհանուր առմամբ կմնա երկու շաբաթ: Արձակուրդներին Օբաման ծրագրում է խաղալ իր սիրելի գոլֆը և առաջին կնոջ պնդմամբ հանգստանալ և քնել:
Գերմանիայի կանցլեր Անգելա Մերկել
Time-ի վարկածով տարվա մարդ ճանաչված Անգելա Մերկերն ավանդաբար Ծննդյան տոները կանցկացնի դահուկների վրա սահելով: Նախորդ տարի` ամուսնու հետ միասին, նրանք Սանկտ-Մորից հայտնի վայրից ոչ հեռու տարածք էին ընտրել: Անգելա Մերկելը չի խուսափում նաև խոհանոցային գործերից և իր ձեռքով կերակուրներ է պատրաստում:
ՌԴ նախագահ Վլադիմիր Պուտին
Վլադիմիր Պուտինը սովորաբար չի բարձրաձայնում այն վայրի մասին, որտեղ անցկացնելու է Ամանորը: Նախորդ տարի նախագահի խոսնակ Դմիտրի Պեսկովը նշել էր, որ ՌԴ նախագահը չի հասցրել նշել տոները, քանի որ գործերը շատ են եղել;
Առհասարակ Վլադիմիր Պուտինի ամանորյա տրամադրությունները տարեց տարի փոխվում են: Օրինակ, 2014 թվականը նա դիմավորել էր Խաբարովսկում: Իսկ 2015 թվականը նա դիմավորել էր Վորոնեժում:
Մեծ Բրիտանիայի վարչապետ Դեվիդ Քեմերոն
Նախորդ Նոր տարին Քեմերոնը դիմավորել էր խնջույքի ժամանակ: Կնոջ հետ միասին նա զվարճանում էր քաղաքից դուրս գտնվող տանը: Սամանտա Քեմերոնը ողջ գիշեր պարել էր և նույնիսկ իմպրովիզ էր արել և ոտքով կիթառ նվագել: Բայց այդպես էլ չէր ստացվել վարչապետին համոզել կարաոկե երգել:
Անգլիայի թագավորական ընտանիք
Նրանք ավանդաբար նախընտրում են տոներն անցկացնել ընտանիքի անդամների հետ միասին: Ելիզավետա 2-րդն արդեն երկար տարիներ է ինչ գլխավոր տոնը դիմավորում է Նորֆոլկում: Հարևանությամբ գտնվում է արքայազն Ուիլյամի և Քեյթ Միդլթոնի առանձնատունը և հենց այստեղ էլ գալիս են թագավորական ընտանիքի անդամները:
Քեյթ Միդլթոնն ամանորյա նվերներ ընտրելու համար անձամբ է գնացել Peter Jones հանրախանութը: Իսկ արքայազն Ուիլյամը խոստովանել է, որ իր համար լավագույն նվերը կլինի քնելու հնարավորությունը:
.gif)
