Այսօր «Էրեբունի» բժշկական կենտրոնում H1N1 վիրուսով վարակված 34-ամյա կին է մահացել: Նա նման վախճան ունեցող արդեն 7-րդ հիվանդն է: Հայտնի է, որ մահացածը՝ Լիանա Մարտիրոսյանը, Թալին քաղաքից էր, երկու մանկահասակ երեխա ուներ։ Վերջինս նախօրեին բավական բարդ վիճակում դիմել է Թալին քաղաքի քաղաքային հիվանդանոց։
ArmLur.am-ին մահացած կնոջ հարևանները պատմեցին, որ նա դեռևս հունվարի 2-ից արդեն իսկ գանգատներ է ունեցել, սակայն բժշկական օգնության չի դիմել: Մեր զրուցակիցների փոխանցմամբ՝ նա ճնշման և ջերմաստիճանի տատանումներ է ունեցել: Բժշկական կենտրոն է դիմել միայն հունվարի 9-ին: Իսկ նրա հարազատները կարծել են՝ սովորական գրիպով է վարակվել:
Լիանա Մարտիրոսյանի ամուսինը երեկ երեկոյան է վերադարձել Ռուսաստանից՝ տեղեկանալով կնոջ առողջական խնդիրների մասին: Եվ այսօր տեղի է ունեցել դժբախտությունը:
Հարևաններից մեկը հայտնեց նաև, որ այս պահին դեռևս հստակ տեղեկություններ չկան՝ ընտանիքի մյուս անդամները վարակված են H1N1 տեսակի գրիպով, թե` ոչ:
Առողջապահության նախարարությունը, սակայն, հայտարարում է, թե համաճարակ չկա։
.gif)
