Հոլիվուդյան հայտնի դերասան Ջորջ Քլունիի կինը՝ Ամալ Քլունին, ով Արևմուտքում հայտնի է որպես մարդու իրավունքների հարցերով զբաղվող փաստաբան, ամերիկյան NBC հեռուստաալիքի հարցազրույցում հայտարարել է, որ կզբաղվի ադրբեջանցի լրագրող Խադիջա Իսմայիլովայի գործով. գրում է minval.az-ը՝ հղում անելով «Ամերիկայի ձայնին»:
Խադիջա Իսմայիլովան այժմ կալանքի տակ է: Ամալ Քլունին նկարագրել է Խադիջա Իսմայիլովայի հետապնդման հանգամանքները: Նրա խոսքով՝ ադրբեջանցի լրագրողը «իշխող ռեժիմում կոռուպցիայի վկայություններ է ներկայացրել և ենթարկվել հետապնդումների»:
Քլունին նաև հայտնել է, որ դիմել է մարդու իրավունքների Եվրոպական դատարան (ՄԻԵԴ)՝ Իսմայիլովայի ձերբակալության մասին բողոքով:
Թարգմանիչ՝ Քրիստինե Պողոսյան
.gif)
