Հայաստանում Եվրամիության պատվիրակությունն այսօր հայտարարությամբ է հանդես եկել՝ ափսոսանք հայտնելով ՀՀ Մարդու իրավունքների պաշտպանի պաշտոնից Կարեն Անդրեասյանի հրաժարականի կապակցությամբ: Հայտարարությունը ներկայացնում ենք ստերև.
«Ափսոսանքով տեղեկացանք, որ օմբուդսմեն Կարեն Անդրեասյանը հրաժարական է ներկայացրել, և մենք ողջունում ենք նրան գերազանց աշխատանքի համար:
Եվրամիությունը վստահ է, որ Հայաստանի հաջորդ օմբուդսմենը կնշանակվի Ազգային ժողովի կողմից փոխհամաձայնությամբ և ի վիճակի կլինի պահպանել այդ կարևոր հաստատության անկախությունը:
Եվրամիությունը նվիրված է Հայաստանում բարեփոխումներին աջակցությանը, հատկապես՝ ժողովրդավարության, մարդու իրավունքների և հիմնարար ազատությունների և օրենքի գերիշխանության բնագավառում»:
Հիշեցնենք, օմբուդսմենի հրաժարականի կապակցությամբ օրերս ափսոսանք էր հայտնել նաև Հայաստանում Միացյալ Նահանգների դեսպանատունը:
.gif)
