Վերջերս Սելին Դիոնի (Céline Dion) կյանքում կրկնակի դժբախտություն տեղի ունեցավ: Մի քանի օրվա տարբերությամբ կյանքից հեռացան նրա ամուսինը՝ Ռենե Անջելիլը, և եղբայրը՝ Դանիելը: Լրագրողներին հաջողվել է դժբախտությունից հետո առաջին անգամ նկարել երգչուհին: Երկրպագուների հետ միասին նա եկել էր եկեղեցի՝ վերջին հրաժեշտ տալու ամուսնուն: Չնայած ողբերգությանը՝ Սելինը փորձում է տեղի չտալ զգացմունքներին:
Ինչպես Սելինն ասել է People ամսագրին, ինքը երախտապարտ է բոլորին, ովքեր այս օրերին իր կողքին են եղել. «Աջակցությունը, որը ստացանք, օրհնանք էր»,- նշել է երգչուհին:
Սելինն ու Ռենեն ծանոթացել են այն ժամանակ, երբ ապագա երգչուհին ընդամենը 12 տարեկան էր: Զույգը սկսել է հանդիպել, երբ Սելինն արդեն 19-ն էր, իսկ Ռենեն՝ 45: 1991-ին նրանք հայտարարեցին նշանադրության մասին, երեք տարի անց՝ ամուսնության: Համատեղ կյանքի ընթացքում նրանք երեք երեխա են ունենում՝ Ռենե Չառլզը (2001) և երկվորյակներ Նելսոնն ու Էդդին (2010):
Բժիշկները Ռենեի հիվանդության ոխտորոշումը տվել էին դեռևս 1998-ին: 1999-ին նա վիրահատվեց, և հիվանդությունը երկար ժամանակ իրեն մոռացնել էր տվել: Մինչդեռ 2013-ին հիվանդությունը կրկնվում է: Նրան կրկին վիրահատում են, սակայն այս անգամ չի օգնում: Այս տարվա հունվարի սկզբին Ռենեն մահացավ:
.gif)
