Աթեիստները՝ դոլարի դեմ. ԱՄՆ-ում պահանջում են թղթադրամներից հեռացնել Աստծո մասին հիշատակումը

Օհայո նահանգի մի խումբ աթեիստներ դատական հայց են ներկայացրել ԱՄՆ Դաշնային շրջանի դատարան՝ պահանջելով թղթադրամներից հեռացնել «In God We Trust» («Մենք հավատում ենք Աստծուն») արտահայտությունը: Ինչպես հայտնում է World Religion News-ը՝ նրանք համոզված են, որ այդ արտահայությունն ուղղակիորեն խախտում է սահմանադրական նորմերը:

Անհավատները պարզաբանել են, որ նրանք ամեն օր ձեռքների մեջ պահելով թղթադրամները, որոնց վրա հիշատակվում է Աստծո անունը, զգացողություն են ունենում՝ կարծես ինչ-որ մեկը միջամտում է իրենց ֆինանսական գործերին: Նրանք նաև բողոքում են, որ այդ պայմաններում դժվար է լինել հումանիստ, և կարծում են, որ դա լուրջ փաստարկ է թղթադրամների դիզայնը փոխելու համար, որը չի փոխվել 1956թ.-ից:

Հավելենք, որ «In God We Trust» արտահայությունն առաջին անգամ չէ վեճերի առարկա դառնում, սակայն դատարանի գործն առաջին անգամ է հասել:

Թարգմանիչ՝ Քրիստինե Պողոսյան