ՀՈ ԸՆՏՐԱՑՈՒՑԱԿՆԵՐԸ ՉԵՆ
ՀՀ աշխատանքի եւ սոցիալական հարցերի նախարարության սոցիալական ապահովության պետական ծառայությունը հաղորդագրություն է տարածել, որտեղ հայտնում է. «Ծառայությունում տեխնիկական վերազինման եւ կենսաթոշակների վճարման ցուցակների ձեւավորման գործընթացի վերակազմակերպման աշխատանքների հետեւանքով, տեղեկատվության կանոնակարգման եւ ճշգրտման աշխատանքներ իրականացնելու անհրաժեշտությամբ պայմանավորված՝ գործնականում հնարավոր են դեպքեր, երբ շահառուների անունները դուրս մնացած լինեն կենսաթոշակների վճարման ցուցակներից: Նախարարությունը հայցում է կենսաթոշակառուների ներողամտությունը եւ հայտնում, որ առկա տեղեկատվությունը կանոնակարգելուց եւ ճշգրտելուց հետո այս ամսվա ընթացքում վճարման ծառայություններ իրականացնող կազմակերպություններին կփոխանցվեն կենսաթոշակների վճարման լրացուցիչ ցուցակներ»:
ԳԵՅԻՆ ՍՊԱՆԵԼ ԵՆ
Ռուսաստանի Կամչատկայի երկրամասում գազանաբար սպանվել է տեղի «Օզյորնայա» օդանավակայանի տնօրենի 39-ամյա տեղակալը ոչ ավանդական սեռական կողմնորոշման պատճառով: Զապորոժիե գյուղում հանցագործները տղամարդուն դանակներով եւ քացիներով բազմաթիվ հարվածներ են հասցրել, ապա նստեցրել իր իսկ մեքենան, վրան բենզին լցրել եւ այրել:
«ԿԱԶՅՈԼԸ» ՄՆՈՒՄ Է «ԿԱԶՅՈԼ»
Հնդկական հարավային Չենայ քաղաքում ոստիկանությունը երեք այծ է ձերբակալել, որոնք կասկածվում են ոստիկանական մեքենային վնաս հասցնելու մեջ: Ձերբակալվածները հոտի այլ անդամների հետ, ընդհանուրը` տասներկու կենդանի, բարձրացել են երկու օր առաջ գնված ավտոմեքենայի վրա, ինչի արդյունքում խազեր են գոյացել, մի քանի ապակի է կոտրվել եւ այլն: Ոստիկանությունը բռնել է հոտի միայն երեք անդամների, մյուսները փախել են հանցագործության վայրից: Այծերի տիրոջը` 37-ամյա Մարի Արոգինաթանին, մեղադրանք են ներկայացրել կենդանիներին անուշադրության մատնելու համար:
.gif)
