Թուրքիայի իշխանությունները մեղադրում են Ռուսաստանին ռազմական հանցագործության մեջ՝ մեկնաբանելով նախօրեին Սիրիայում «Բժիշկներ առանց սահմանների» կազմակերպության հիվանդանոցի ռմբակոծումը, որի հետևանքով 9 մարդ զոհվեց: Հայտարարությունը հրապարակվել է Թուրքիայի ԱԳՆ-ի պաշտոնական կայքում, փոխանցում է Gazeta.ru-ն:
Հայտարարության մեջ նշվում է, որ Մյունխենում Սիրիայի աջակցության հարցով խումբը մի քանի օր առաջ հայտարարել էր, որ նպատակ ունի հրադադարի ռեժիմ սահմանել, սակայն Մոսկվան միայն ուժգնացնում է հարձակումները: Կոմյունիկեում նման գործողությունները որպես «ռազմական հանցագործություն» են բնորոշվում:
Թուրքիայի ԱԳՆ-ում պնդում են, որ Ռուսաստանը ձգտում է խորացնել Սիրիայում քաղաքացիական պատերազմը և անկայունություն մտցնել տարածաշրջանում:
Իր հերթին, Սպիտակ տանը Սիրիայում Ռուսաստանի գործողություններն անարդյունավետ են համարում:
ՄԱԿ-ի տվյալների համաձայն՝ Սիրիայում դպրոցների և հիվանդանոցների ուղղությամբ հրթիռակոծությունների հետևանքով մոտ 50 մարդ է զոհվել:
Թարգմանիչ՝ Քրիստինե Պողոսյան
.gif)
