«Այդ մարդկանց ես հասկանում եմ, զավակ են կորցրել, եւ ինչ-որ խոսքեր գտնել բավականին դժվար է: Բայց մյուս կողմից էլ պետք է նայել, աշխարհում շատ ու շատ հայտնի գործեր չեն բացահայտվել»:

Միայն մարդկանց հասկանալու մասին գեղեցիկ ու հուզիչ խոսքեր ասելը քիչ է, գործով պետք է ցույց տալ, ինչը մեր պաշտոնյաների մոտ, որպես կանոն, չի ստացվում: Բոլորը միայն հասկանում են մարդկանց ու մտածում նրանց մասին, եւ մինչ մտածում ու հասկանում են, խնդիրները մնում են չլուծված, արդարությունը երկրում չի կայանում, իսկ հուսահատված քաղաքացիները լքում են երկիրը: Դրա պատճառներից մեկն էլ Հ. Թովմասյանի նման նախարարներ ու պաշտոնյաներ ունենալն է, որոնք լավագույն դեպքում կարող են անհեթեթ համեմատություններ անել, թե նման դեպքեր աշխարհում շատ են եղել: