Ես չեմ «քայքայվում», երբ տեսնում եմ ինձնից ավելի սեքսուալ և գեղեցիկ կնոջ. Լուիզա Ղամբարյան (տեսանյութ)

Հայ թատրոնի պատմության մեջ շատ չեն այն դերասանները, որոնք հասցրել են երիտասարդ տարիքում դերերի գունագեղ ներկապնակ ունենալ, ինչպես Լուիզա Ղամբարյանը: Ջուլիետ, Լեդի Մակբեթ, Քալփուրնիա, Սոֆի, Հիլլարի, Այծեմնիկ, Եվա, Աննա. նրա` մեկը մյուսից տարբեր կերպարները դարձել են Դրամատիկական թատրոնի բնակիչները:  Եվ չնայած Լուիզա Ղամբարյանը մի շարք դերեր է կերտել թատրոնում,  նրա կենսագրությունը նույնքան հարուստ չէ կինոյում: Armlur.am-ը դերասանուհուց հետաքրքրվել է դրա պատճառների մասին:  Նա նաեւ պատմել է, թե ինչու է համաձայնվել հանդես գալ ԱԺ նախկին պատգամավոր Հակոբ Հակոբյանի` այդքան քննադատված «Հիշողություն» ֆիլմում:

Ցանկացած դերասանուհու կյանքում գրանցվում են հետկուլիսային տարբեր իրավիճակներ, որոնք առանձնակի տպավորվում են: Լուիզա Ղամբարյանն, օրինակ,  լավ է հիշում, թե ինչպես է իր կերտած արքայադստեր կերպարի միջոցով գերել Արամոյի եւ Էմմա Պետրոսյանի որդուն, իսկ ավելի ուշ` փշրել նրա  երազը:

Լուիզա Ղամբարյանը պատասխանել է նաեւ այն հարցին, թե ինչու ինքը՝ որպես արվեստագետ, այս կամ այն առիթով չի բարձրաձայնում իր քաղաքացիական դիրքորոշման մասին. նա խոստովանել է, որ վախենում է, թե կարող է գործիք  դառնալ այս կամ այն քաղաքական ուժի  ձեռքում:

Դերասանուհին Armlur.am-ի հետ զրույցում անկեղծացել է՝ նշելով, որ թեեւ ինքը ունի շատ լավ  գործընկերներ,  ասպարեզում չկան մարդիկ, որոնց հետ ինքը շատ մտերիմ  է:

Դերասանուհի Մոնիկա Բելուչին ասել է, որ կանայք կանանց ներում են ամեն բան՝ բացի նրանց գեղեցկությունից:  Լուիզա Ղամբարյանը խոսել է այն մասին, թե արդյոք  իր  գեղեցկությունը «ներվել է»:  Նա անդրադարձել է պլաստիկ վիրահատությունների դիմելու վերաբերյալ իր անվան շուրջ պտտվող խոսակցություններին:

Լուիզա Ղամբարյանը խոսել  է նաեւ իր ընտանիքի եւ դտսեր մասին, ով այս տարիքից արդեն «վերահսկում» է մայրիկին:

Մանրամասները՝ Armlur.am-ի տեսանյութում:

Աննա Բաբաջանյան, Հովսեփ Հովսեփյան, Նարեկ Սարգսյան