Մարտունու պաշտպանական ուղղությամբ ապրիլի 2-ին, ՄՄ-21 կայանքից իրականացված հրթիռահրետակոծության հետևանքով վիրավորված 11-ամյա Գեւորգ Գրիգորյանի և 12-ամյա Վարդան Անդրեասյանի վիճակը շարունակում է ծանր կայուն մնալ:
Այդ մասին «Արցախպրես»-ի թղթակցի հետ զրույցում տեղեկացրել է «Արևիկ» մանկական բուժմիավորման վերակենդանացման բաժանմունքի վարիչ Իրինա Խաչատրյանը՝ հավելելով, որ չնայած դրան առաջիկա 2-3 օրվա ընթացքում երեխաների առողջական վիճակը կսկսի բարելավել:
«Երեխաների ինքնազգացողությունը հիմնականում լավ է ու արդեն կարողանում են խոսել, ուտել: Արյունահոսության հետևանքով նրանց ամբողջական ապաքինումը երկար կտևի, սակայն այլևս վիրահատության կարիք չի լինի և կիրականացվի վիրակապական բուժում»,-ասել է Ի. Խաչատրյանը:
Վիրավորված երեխաներ՝ Վարդան Անդրեասյանը և Գևորգ Գրիգորյանը թեև իրենց փոքր-ինչ թույլ են զգում, բայց թղթակցի հարցին ի պատասխան ասել են, որ իրենց լավ են զգում:
.gif)
