Ընդհարում Թալինի ընտրատեղամասերից մեկում. կիզակետում են հայտնվել երկու թեկնածուների հարազատները (ֆոտո)

Թալինից ArmLur.am-ի թղթակիցը հայտնում է, որ քիչ առաջ քաղաքի թիվ 2 դպրոցում տեղակայված ընտրատեղամասում վիճաբանություն է եղել: Մեր թղթակցի փոխանցմամբ՝ վիճաբանությունը բռնկվել է երկու թեկնածուների՝ «Հայկական վերածննդի» ներկայացուցիչ Գուրգեն Գրիգորյանի և ՀՀԿ-ի կողմից առաջադրված Սարգիս Արամյանի հարազատների միջև:

Վիճաբանության պատճառն առաջին հայացքից շատ արտասովոր է թվում: Բանն այն է, որ թեկնածուների հարազատները միմյանց նախատում են մյուս կողմին սատարելու համար՝ ասելով, թե՝ դու մեր ազգից ես, ինչո՞ւ ես մյուսի կողմն անցել: Իրավիճակն ավելի կսրվեր, եթե չմիջամտեին տեղում հսկող ոստիկանները:

ArmLur.am-ը պարզեց, որ մասնակիցներից մեկը Թալինի քաղաքապետարնի ՀՀԿ-ական աշխատակից է: