Կոտայքում տանիքներ են վնասվել

Ապրիլի 17-ին, ժամը 11.30-ին տեղեկություն է ստացվել, որ քամու հետևանքով վնասվել է Կոտայքի մարզի Զորավան գյուղի 1-ին փողոցի 1-ին փակուղու թիվ 2 շենքի բնակարաններից մեկի տանիքը:

Դեպքի վայր է մեկնել մեկ մարտական հաշվարկ:

Պարզվել է, որ ս.թ. ապրիլի 16-ին ժամը 09.00-ի սահմաններում ուժեղ քամու հետևանքով վնասվել է 1-ին փողոցում գտնվող բնակարանի տանիքը (մոտ 40 քմ):

Դեպքի մասին տեղեկացվել է ՃԿԱԿ-ում գյուղատնտեսության նախարարության ներկայացուցիչը:

***

Ապրիլի 17-ին, ժամը 11.23-ին ահազանգ է ստացվել, որ քամու հետևանքով վնասվել է Կոտայքի մարզի Զորավան գյուղի անասնապահական ֆերմաներից մեկի տանիքը:

Դեպքի վայր է մեկնել մեկ մարտական հաշվարկ:

Պարզվել է, որ ս.թ. ապրիլի 16-ին, ժամը 08.30-ի սահմաններում ուժեղ քամու հետևանքով վնասվել են Ս. Մ.-ին պատկանող անասնագոմի (2000 քմ) և հարակից գրասենյակային շինության (750 քմ) տանիքների կառուցատարրերը:

Դեպքի մասին տեղեկացվել է Զորավանի գյուղապետը և ՃԿԱԿ-ում գյուղատնտեսության նախարարության ներկայացուցիչը:

***

Ապրիլի 17-ին, ժամը 09.48-ին ահազանգ է ստացվել, որ Երևանի Ռուբինյանց փողոցի նրբանցքում՝ «Հռոմ» հյուրանոցի մոտակայքում, ծառը կոտրվել և ընկել է ճանապարհի երթևեկելի հատված. անհրաժեշտ է փրկարարների օգնությունը:

Դեպքի վայր է մեկնել ՀՆՓԱԻԿ փրկարարական ջոկատը:

Փրկարարները հեռացրել են ծառը երթևեկելի հատվածից:

***

Ապրիլի 17-ին, ժամը 09.45-ին ահազանգ է ստացվել, որ քամու հետևանքով վնասվել է Կոտայքի մարզի Զորավան գյուղի ջերմոցներից մեկը:

Դեպքի վայր է մեկնել Եղվարդ քաղաքի ՀՓՋ-ի ՕԽ-ն:

Պարզվել է, որ ս.թ. ապրիլի 16-ին, ժամը 23.00-ի սահմաններում ուժեղ քամու հետևանքով վնասվել են Երևան-Զորավան ավտոճանապարհի 2-րդ կմ-ի մոտակայքում գտնվող Ա. Պ.-ին պատկանող վարդերի ջերմոցի (500 քմ) կառուցատարրերը (մոտ 480քմ):

Դեպքի մասին տեղեկացվել է Զորավանի գյուղապետը և ՃԿԱԿ-ում գյուղատնտեսության նախարարության ներկայացուցիչը: