ՀԱՐՑ. Ես ուզում եմ տեղեկանալ, եթե երեխան ունի հաշմանդամության կարգ (երկրորդ կարգ), ապա նրա ծնողները կարո՞ղ են ինքնակամ որոշել, թե իրենց երեխան որ՝ հատուկ, թե հանրակրթական (ներառական) դպրոց պետք է հաճախի:
ՊԱՏԱՍԽԱՆ. Ս. Ստեփանյանի հարցին ի պատասխան՝ տեղեկացնում ենք, որ համաձայն «Կրթության մասին» ՀՀ օրենքի 19-րդ հոդվածի՝ պետությունը ստեղծում է հատուկ հաստատություններ (այդ թվում՝ երկարօրյա եւ գիշերօթիկ)՝ կրթության առանձնահատուկ պայմանների կարիք ունեցող երեխաների կրթությունը կազմակերպելու նպատակով: Հատուկ հաստատությունների տիպերը սահմանում է ՀՀ կառավարությունը:
Կրթության առանձնահատուկ պայմանների կարիք ունեցող երեխաների կրթությունը ծնողների ընտրությամբ կարող է իրականացվել ինչպես ընդհանուր հանրակրթական, այնպես էլ հատուկ հաստատություններում՝ հատուկ ծրագրերով:
Վարքի շեղում ունեցող անչափահասների ուսուցումը եւ վերադաստիարակումն իրականացնում են հանրակրթական դպրոցները՝ հաշվի առնելով սովորողների հոգեբանական առանձնահատկությունները:
աջակցության» կենտրոն
«ԺՈՂՈՎՈՒՐԴ». Այս հարցը գրեթե միշտ արդիական է եւ քննարկման ենթակա: Բայց կարծես շատ ու շատ այլ հարցերի նման սա էլ մնում է անպատասխան: Վերջապես կարելի է որեւէ արդյունավետ լուծում տալ հնչեցված խնդրին, քանի որ հատուկ խնամքի կարիք ունեցող երեխաներն առանց այդ էլ բավական մեկուսացված են հասարակությունից:
.gif)
