Մահացել է բռնցքամարտի արքա Մուհամեդ Ալին

Հունիսի 3-ին, 74 տարեկան հասակում մահացել է բռնցքամարտի արքա, ամերիկացի լեգենդար բռնցքամարտիկ Մուհամեդ Ալին։ Այս մասին հայտնում է NBC News-ը։

Մուհամեդ Ալին աշխարհի ամենատիտղոսակիր և հանրաճանաչ մարզիկներից մեկն է։ Նա հանդես է եկել ծանրքաշային կարգում։ Ալին 1960 թվականի օլիմպիական չեմպիոն է դարձել, ծանրքաշային կարգում աշխարհի բացարձակ չեմպիոն (1964-1966, 1974-1978) և հնգակի «Տարվա բռնցքամարտիկ» (1963, 1972, 1974, 1975, 1978)։ ըստ The Ring ամսագրի՝ «Տասնամյակի բռնցքամարտիկ» (1970-ականներ), պատմության մեջ 2-րդ բռնցքամարտիկը, ով Sports Illustrated ամասագրի կողմից արժանացել է «Տարվա մարզիկ» կոչմանը

Լեգենդար բռնցքամարտիկը իր կարիերայի ընթացքում ունեցել է 61 մարտ՝ տանելով 56 հաղթանակ (դրանցից 37-ը՝ նոկաուտով)։