ՀՀ Ազգային Ժողովն այսօր ձայների 106 կողմ, 6 դեմ և 0 ձեռնպահ ձայների հարաբերակցությամբ առաջին ընթերցմամբ ընդունեց ՀՀ ԸՕ-ում փոփոխություններ և լրացումներ կատարելու նախագիծը:
Մինչ քվեարկությունը ԱԺ պատգամավոր Գագիկ Ջհանգիրյանը նշեց, որ ՀԱԿ խմբակցությունը խնդիրները ձևակերպել և ներկայացրել է, ստորագրելով համատեղ փաստաթուղթը, և եթե կողմ են քվեարկում, դա դեռ չի նշանակում, որ կողմ են ամբողջ ընտրական օրենսգրքին: ԱԺ ԲՀԿ խմբակցության ղեկավար Նաիրա Զոհրաբյանն էլ հայտարարեց , որ ԲՀԿ-ն տեր է իր ստորագրությանը , և կողմ են քվեարկելու:
ԱԺ պատգամավորներ Ռուբիկ Հակոբյանը եւ Խաչատուր Քոքոբելյանը հայտարարեցին, որ դեմ են, իսկ Համախմբում կուսակցության անդամ Էլինար Վարդանյանը նշեց, որ կուսակցության պատգամավորները կողմ են նախագծին:
.gif)
