Փորձագետները հաշվարկել են ֆիլմերի դրամարկղային մուտքերը և պարզել են, թե դերասաններից ովքեր են նկարահանվում կոմերցիոն, հաջողակ ֆիլմերում։
Սկառլետ Յոհանսոնը ճանաչվել է բոլոր ժամանակների ամենաշատ պահանջված դերասանուհի, գրում է People-ը՝ հղում անելով Box Office Mojo-ի տվյալներին։ Ինչպես պարզել են փորձագետները, Յոհանսոնի մասնակցությամբ ֆիլմերն ամերիկյան կինովարձույթներում վաստակել են 3,3 մլրդ դոլար։
Յոհանսոնի մասնակցությամբ ամենադրամարկղային ֆիլմը ճանաչվել է «Վրիժառուները» ֆիլմը, որտեղ նրա կերպարը հայտնի է «սև այրի» անվամբ։ Այս ֆիլմը հավաքել ե 623 մլն դոլար։ Ընդհանուր առմամբ դերասանուհին խաղացել է 37 ֆիլմում։
Դերասանուհիների ցանկում երկրորդ տեղը զբաղեցնում է Քեմերոն Դիազը։ Մյուսներն են՝ Հելենա Բոնեմը, Քեյթ Բլանշետը, Ջուլիա Ռոբերթսը, Էլիզաբեթ Բենքսը, Էմմա Ուոթսոնը և Էնն Հեթուեյը։
.gif)
