Բացահայտվել է բջջային հեռախոսների մաքսանենգ ներկրման դեպք

Ս.թ հոկտեմբերի 11-ին ՀՀ ԱԱԾ կողմից իրականացված օպերատիվ- հետախուզական միջոցառումների արդյունքում բացահայտվել է բջջային հեռախոսների մաքսանենգ ներկրման դեպք: Երևանի բնակիչ Արմեն Զաքարյանն, իրեն պատկանող “Մերսեդես” միկրոավտոբուսի ուղևորի նստարանի տակ հարմարեցված թաքստոցում, Վրաստանից “Բագրատաշեն” մաքսակետով` շրջանցելով մաքսային հսկողությունը, Հայաստան է տեղափոխել 83 հատ IPhone-5, Samsung Galaxy և այլ մոդելների բջջային հեռախոսներ:

Փաստի առթիվ ՀՀ ԱԱԾ Քննչական Վարչության կողմից հարուցվել է քրեական գործ ՀՀ Քր. օր-ի 215 հոդվածի հատկանիշներով: