ՀՀԿ-ի Լոռու մարզային կառույցն արդեն տվել է Վանաձորում ՀՀԿ-ի ցուցակի առաջին համարի անունը և նա Մամիկոն Ասլանյանն է, իսկ Գյումրու հետ կապված դեռեւս մարզային և տարածքային կառույցները որոշում չունեն: Այս մասին այսօր ՀՀԿ Գործադիր մարմնի նիստից հետո հայտարարեց ՀՀԿ մամուլի խոսնակ Էդուարդ Շարմազանովը:
Անդրադառնալով Գյումրու գործող քաղաքապետ Սամվել Բալասանյանին ՀՀԿ ցուցակում ընդգրկելու վերաբերյալ հարցին, Շարմազանովը նշեց. «Կոռեկտ չի, քանի դեռ մարզային կառույցը չի քննարկել այդ հարցը, ես այստեղ մեկնաբանություններ անեմ»: Այդուհանդերձ ՀՀԿ խոսնակը չբացառեց, որ հնարավոր է իրենց ցուցակը գլխավորի հենց Սամվել Բալասանյանը:
Հիշեցնենք, որ Ասլանյանի` ՀՀԿ թեկնածուն լինելու մասին տեղեկությունը հրապարակել էինք դեռևս հունիսի 18-ին, իսկ օրեր անց էլ ՀՀԿ Լոռու մարզային խորհրդի նիստում էլ վերջնականապես լուծվել է թեկնածության հարցը:
.gif)
