ԱՄՆ պետքարտուղար Ջոն Քերին հուլիսի 14-ին աշխատանքային այցով կմեկնի Ռուսաստան, որտեղ կհանդիպի ՌԴ նախագահ Վլադիմիր Պուտինի հետ: Այս մասին, ինչպես հայտնում է ՏԱՍՍ-ը, ասել է Կրեմլի պաշտոնական ներկայացուցիչ Դմիտրի Պեսկովը:
«Այժմ արդեն կարող եմ ասել, որ հուլիսի 14-ին նախագահ Պուտինը կընդունի ԱՄՆ պետքարտուղար Ջոն Քերիին և արտգործնախարար Սերգեյ Լավրովին: Թեմաների ընտրությունը կանխատեսելի է. Սիրիա, Ուկրաինա և երկկողմ հարաբերություններ»,-ասել է Պեսկովը:
Հիշեցնենք, որ ավելի վաղ Պետդեպի պաշտոնական ներկայացուցիչ Ջոն Քիրբին հայտարարել էր, որ Քերիի այցի օրակարգում ներառված է Լեռնային Ղարաբաղի հակամարտության կարգավորման հարցը:
.gif)
