Հուլիսի 30-ին Ազատության հրապարակը կրկին մարդաշատ էր:Հանրահավաքը վարում է «Ճգնաժամային նախաձեռնող խորհրդի» անդամ Ալբերտ Բաղդասարյանը: Նա հայտարարեց, որ «Ճգնաժամային նախաձեռնող խորհրդի» բոլորը անդամները ձերբակալված են, ազատության մեջ է 4 հոգի:
Այնուհետև Ազատության հրապարակից սկսվեց երթ դեպի Երևանի կենտրոն. Մաշտոց, Ամիրյան փողոցներ, Հանրապետության հրապարակ: Որոշվեց մի քիչ պտտվել Երևանի փոքր կենտրոնով` ցույց տալու համար, որ «մենք չենք վախեցել, մենք կանք և որ այսպես կլինի ամեն օր, մինչև չենք հասնի մեր և «Սասնա ծռերի» նպատակին: Նախքան այդ հանրահավաքը վարող Ալբերտ Բաղդասարյանն ինքնակազմակերպման կոչով դիմեց հայ ժողովրդին՝ միասին որոշում կայացնել` ինչ անել, ուր գնալ:
Երթի մասնակիցները որոշեցին փոխել երթի ուղղությունը և շարժվել դեպի Բաղրամյան պողոտա։ Նրանք որոշեցին նաև, նստացույց սկսել և փակել պողոտան։ Ցույցի մասնակիցներին դիմավորեցին պատ կազմած ոստիկանները, որոնց առջև փշալար է անցկացված։
Բաղրամյան պողոտայում արտառոց միջադեպ գրանցվեց: Ներկաներից մեկը փորձել էր ինքնահրկիզվել:
Ոստիկանությունը կոչ արեց Բաղրամյան պողոտայում հավաքված ցուցարարներին գնալ Ազատության հրապարակ և չխոչընդոտել մյուս քաղաքացիների ազատ տեղաշարժի իրավունքը: Ցուցարարները խաղաղ կերպով հեռացան Բաղրամյան փողոցից դեպի Ազատության հրապարակ:
.gif)
