«Հայկական ժամանակ» թերթը գրում է. «Մեր տեղեկություններով, անցած շաբաթ Տնտեսագիտական համալսարանի Գյումրիի մասնաճյուղ կատարած այցի ժամանակ ԿԳ նախարար Լևոն Մկրտչյանին բավականին կոշտ են ընդունել։ Պատճառը կառավարությունում այդ մասնաճյուղը լուծարելու և Գյումրիի պետական մանկավարժական ինստիտուտին միացնելու որոշման նախագիծն է: Տնտեսագիտականի ուսանողադասախոսական կոլեկտիվը դեմ է այդ նախագծին։ Մեր տեղեկություններով, այդ միավորմանը ձգտում և դրա խոստմանը հասել է Մանկավարժական ինստիտուտի նորանշանակ ռեկտոր, Շիրակի մարզում ՀՀԿ տարածքային կառույցի ղեկավար Սահակ Մինասյանը։
Տնտեսագիտականի ռեկտոր Սամսոն Դավոյանը հաստատեց, որ դասախոսներն ու ուսանողները շատ վրդովված են նախարարին ընդունել։ «Մեր մասնաճյուղը կայացած բուհ է բոլոր չափանիշներով, և միավորելը ճիշտ չի լինի։ Բուհական համակարգում շատ քչերն են, որ վերջին տարիներին ուսանողների քանակի ավելացում են ունեցել, իսկ Գյումրիում մենք միակն ենք, որ ուսանողների աճ ունենք»,- հավելեց Դավոյանը»:
Ավելի մանրամասն՝ թերթի այսօրվա համարում։
.gif)
