«Մենք ունենալու ենք մեր ծանրակշիռ տեղը նաեւ հաջորդ խորհրդարանում: Եւ դրանում մենք պարզապես համոզված ենք»:Խաչիկ Հարությունյան «Իրավունք»Ցավալին այն է, որ ՕԵԿ-ին մինչեւ այսօր թվում է, թե իրենք ծանրակշիռ տեղ ունեն հայոց խորհրդարանում: Բայց դա դեռ ոչինչ, հիշեցնենք, որ ծանրակշիռ ներկայություն ունենալու մասին ՕԵԿ-ը հայտարարում էր նաեւ 2007-ի ընտրություններից առաջ, երբ «ընդդիմադիր» էր: Իսկ թե ինչ ստացվեց արդյունքում, բոլորս ենք հիշում: 20 հոգանոց խմբակցությունից ԱԺ մտան ընդամենը 8-ը: Եւ եթե նրանք կարողանան պահպանել իրենց այս «համոզմունքը», եւ հաշվի առնվեն նրանց` անցած տարիների «քաջագործությունները», ապա հավանաբար հաջորդ խորհրդարանում կունենան 4 պատգամավոր: Բայց այստեղ էլ ցավով պետք է նշենք, որ 4 հոգանոց խմբակցություն պարզապես չի կարող լինել: