«Յուվենտուս»-ը կբարձրացնի Դիբալայի աշխատավարձը

Հրապարակվել են Թուրինի «Յուվենտուս»-ի ու արգենտինացի հարձակվող Պաուլո Դիբալայի միջև առկա նոր պայմանագրի մանրամասները:

Calciomercato.com-ը հայտնում է, որ ֆուտբոլիստի հետ թուրինցիների պայմանագիրը նախատեսված կլինի մինչև 2021 թվականը, իսկ նրա աշխատավարձը կկազմի 5.6-ից 6 մլն եվրո: Հավելենք, որ այս պահին Դիբալան ստանում է տարեկան 2.2 մլն եվրո:

Իտալիայի ընթացիկ առաջնությունում անցկացրած 6 խաղում Պաուլոն խփել է մեկ գնդակ ու կատարել երկու արդյունավետ փոխանցում: