Կարո Եղնուկյանը կարող է տեսակցել դստերն ու մորը. միջնորդությունը մասամբ բավարարվեց

Հիմնադիր խորհրդարանի կալանավորված անդամ Կարո Եղնուկյանը, ով մեղադրվում է «Սասնա ծռեր» խմբավորման անդամներին օժանդակելու մեջ, կարող է տեսակցել իր տասնամյա դստերն ու մորը:

Փաստաբան Տիգրան Հայրապետյանի միջնորդությունը տեսակցության արգելանքը վերացնելու համար, մասամբ բավարարվել է, սակայն ընտանիքի մյուս անդամները զրկված են նրան տեսակցելու հնարավորությունից:

Արաբկիր և Քանաքեռ Զեյթուն ընդհանուր իրավասության դատարանը երեկ  հետաձգել է տեսակցության արգելանքը վերացնելու մասին փաստաբանի ներկայացրած բողոքի գործով դատական նիստը՝ նյութեին ծանոթանալու համար: