Ազգային ժողովում շարունակվում են 2017 թվականի բյուջեի նախագծի քննարկումները: Արտակարգ իրավիճակների նախարար Արմեն Երիցյանը նշեց, որ Հայաստանում տեղադրված են 496 հակակարկտային կայաններ, բայց դեռ 5 հազար կայանի կարիք կա:
Ա.Երիցյանը նշեց, որ կայան տեղադրելը մեծ գումարների հետ է կապված, և 1 ռադիոլոկացիոն կայանի արժեքը 1.5 մլն դոլար է: Նախարարն ընդգծեց, որ հակակարկտային կայանները խելամիտ չեն տեղադրված, մեկը դրել է իր տան կողքին, մյուսը` ուր հարմար է գտել:
«Պետք է նայել, տեսնել` կարելի՞ է կրակել, թե՞ ոչ, ոչ թե մեկը զանգի կնոջը, ասի` Սիրանո՛ւյշ, մի հատ կրակի»,- նշեց Ա.Երիցյանը, հավելելով, որ սխալ կրակելու դեպքում կարող է ոչ կարկտաբեր ամպերը վերածվեն կարկտաբերի:
.gif)
