Ադրբեջանն ու ԱՄՆ-ն հարաբերությունների ամրապնդման համար մեծ պոտենցիալ ունեն: Այս մասին ԱՄՆ նորընտիր նախագահ Դոնալդ Թրամփի հետ հեռախոսազրույցի ժամանակ ասել է Ադրբեջանի նախագահ Իլհամ Ալիևը, փոխանցում է ՏԱՍՍ-ը:
Հաղորդվում է, որ հեռախոսազրույցը տեղի է ունեցել Ադրբեջանի նախագահի նախաձեռնությամբ, ով շնորհավորել է Թրամփին նախագահական ընտրություններում հաղթանակի կապակցությամբ:
«Իլհամ Ալիևն ընդգծել է, որ Ադրբեջանի և ԱՄՆ-ի հարաբերությունները տարբեր ոլորտներում, այդ թվում՝ քաղաքական, տնտեսական, ինչպես նաև անվտանգության, էներգետիկ ոլորտներում, հաջողությամբ զարգանում են»,-ասվում է հաղորդագրության մեջ:
Իր հերթին, Թրամփը շնորհակալություն է հայտնել Ալիևին ուշադրության և շնորհավորանքների համար:
.gif)
