ԼՈՒՐ ԿԱԴՐ

Լուսանկարն արվել է Թումանյան փողոցում

Այս ծառի ճյուղը, հավանաբար, կոտրվել է ուժեղ քամուց եւ այդպես էլ մնացել օդում կախված: Հուսանք՝ գոնե մեր հրապարակումից հետո պատկան մարմինները կարթնանան խոր քնից եւ կմաքրեն մայրաքաղաքի կենտրոնական այս հատվածը:

 
ՀԱՐՑ. Ես ուզում եմ իմանալ աշխատանքային պայմանագրի կնքման կարգը: Ի՞նչ գործընթացով է իրականացվում վերջինս:

Սյուզաննա Միքայելյան (30 տարեկան, մենեջեր)

ՊԱՏԱՍԽԱՆ. Ի պատասխան Ս. Միքայելյանի հարցին՝ տեղեկացնում ենք, որ աշխատանքային պայմանագիրը կնքվում է գրավոր ձեւով, կողմերի ստորագրությամբ մեկ փաստաթուղթ կազմելու միջոցով:
Աշխատանքի անցնելուց առաջ գործատուն կամ նրա լիազորած անձը պարտավոր է աշխատանքի ընդունվող անձին պատշաճ ծանոթացնել աշխատանքի պայմաններին, կոլեկտիվ պայմանագրին (դրա առկայության դեպքում), ներքին կարգապահական կանոններին, աշխատավայրում նրա աշխատանքը կանոնակարգող գործատուի այլ իրավական ակտերին:
Աշխատողը պարտավոր է աշխատանքային պայմանագրում նշված oրն անցնել աշխատանքի: Աշխատանքային պայմանագրում նշված oրն անհարգելի պատճառով աշխատանքի չներկայանալը հիմք է աշխատանքային պայմանագրի լուծման համար: (Հայաստանի Հանրապետության աշխատանքային օրենսգրքի 85-րդ հոդված):

Կենսաթոշակային համակարգի իրազեկման կենտրոն

«ԺՈՂՈՎՈՒՐԴ». Տեղեկացնենք, որ աշխատանքային պայմանագրի լուծման մասին ծանուցման մեջ նշվում են աշխատանքից ազատելու հիմքը եւ պատճառը, աշխատանքից ազատելու տարին, ամիսը, ամսաթիվը: Ի դեպ, նշենք, որ փորձաշրջանի ժամկետը չի կարող երեք ամսից ավելի լինել՝ բացառությամբ ՀՀ օրենսդրությամբ նախատեսված դեպքերի:

 
ՀԱՐՑ. Խնդրում եմ նշել ապոստիլի վավերացման մերժման հիմքերը: Ի՞նչ կարգով է մերժվում ապոստիլով վավերացումը:

Սիրան Հակոբյան (48 տարեկան)

ՊԱՏԱՍԽԱՆ. Հայտնում ենք, որ փաuտաթղթի վրա ապոuտիլ դնելու դիմումը մերժվում է, եթե՝
ա) ներկայացված փաuտաթուղթը չի բխում Հայաuտանի Հանրապետության oրենuդրության պահանջներից.
բ) փաuտաթուղթը ներկայացվել է Հայաuտանի Հանրապետության արդարադատության նախարարի կողմից հաստատված ապոuտիլ դնելու կարգով սահմանված պահանջների խախտմամբ.
գ) դիմումում նշված է, որ փաuտաթուղթն ուղարկվում է միայն Հաագայի կոնվենցիային չմիացած երկիր.
դ) փաuտաթղթում առկա են չհաuտատված ջնջումներ, փոփոխություններ կամ uխալներ.
ե) փաuտաթղթի վրա ապոuտիլ դնելու լիազորությունը նախարարությանը վերապահված չէ:
Նշված հիմքերով փաuտաթղթի մերժումը կատարվում է այն նախարարություն մուտք լինելու oրվանից մեկ oրվա ընթացքում: Փաuտաթղթի վրա ապոuտիլ դնելու դիմումը մերժվում է գրավոր: Դիմումի մերժման մեջ հuտակ նշվում է մերժման պատճառներն ու իրավական հիմքերը:
Ապոuտիլ դնելու դիմումի մերժման դեպքում մերժման պատաuխանի հետ դիմողին է վերադարձվում ապոuտիլ դնելու համար ներկայացված փաuտաթղթի իuկական oրինակը եւ պետական տուրքի վճարման անդորրագիրը: Դիմումի մերժումը oրենքով uահմանված կարգով կարող է բողոքարկվել դատարանում:

ՀՀ արդարադատության նախարարություն

«ԺՈՂՈՎՈՒՐԴ». Հայտնում ենք, որ փաuտաթղթի վրա ապոuտիլը դրվում է դիմումը նախարարություն մուտք լինելու oրվանից հետո՝ երկու աշխատանքային oրվա ընթացքում: Քաղաքացիները ապոuտիլ դրված փաuտաթղթերը կարող են uտանալ 2-րդ աշխատանքային oրվա ժամը 16:00-17:00: Փաuտաթղթի վրա ապոuտիլը կարող է դրվել նաեւ դիմումը նախարարություն մուտք լինելու oրվանից հետո՝ մեկ աշխատանքային oրվա ընթացքում, լրացուցիչ արտաբյուջետային վճարի դիմաց: