Ծանրամարտի Եվրոպայի գործող չեմպիոն Հռիփսիմե Խուրշուդյանը ցանկություն ունի մնալ ծանրամարտում: Ինչպես հաղորդում է «Արմենպրես»-ը, այս մասին ծանրամարտիկն ասաց լրագողների հետ հանդիպման ժամանակ: «Որոշումը դեռ կայացված չէ, և ես շարունակելու եմ մարզվել մինչև այն պահը, երբ կասեն, թե ինչ է լինելու հետագայում: Ես մեծ սիրով ուզում եմ մնալ ծանրամարտում: Իսկ ինչ վերաբերում է մեդալի վերադարձին, ապա ինձնով լիներ` չէի վերադարձնի, բայց օրենքն այդպիսին է, պարտավոր ենք հետ տալ», ասաց Խուրշուդյանը:
Միջազգային օլիմպիական կոմիտեն հրապարակել է 2012 թվականի Լոնդոնի Օլիմպիական խաղերի դոպինգ նմուշների վերանայված արդյունքները: Հրապարակված ցուցակում ընդգրկված է Հռիփսիմե Խուրշուդյանը (+75 կգ), ով պետք է վերադարձնի օլիմպիական բրոնզե մեդալը:
.gif)
