ՆԳՆ նախկին նախարար Վանո Սիրադեղյանի գործի շրջանակներում ցմահ ազատազրկման դատապարտված Արմեն Տեր-Սահակյանն արդեն 20 օր է ինչ հացադուլի մեջ է: Այս մասին ArmLur.am-ի հետ զրույցում հայտնեց նրա փաստաբան Էմին Բեգլարյանը:
«Այս կերպ իր բողոքն է արտահայտում կապված վաղաժամկետ ազատման հետ: Վերջին հինգ տարիների ընթացքում տույժեր չի ունեցել, բնութագիրը դրական է, բայց այնումենայնիվ բնութագրի վերջում գրում են՝ աշխատանքներ կա իրականացնելու»:
Ըստ փաստաբանի՝ նրա պահանջն այնքանով է արդար, որ 20 տարի դատված է եղել. «20 տարվա ընթաքում ինչ աշխատանք պետք է տանեին, որ չեն հասցրել, որ պետք է այս մի տարվա մեջ հասցնեն: Նրա ասածն ընդամենը դա է: Նա ուզում է հանդիպել նախագահի վերահսկողության ծառայության պետ Ֆելիքս Ցոլակյանի հետ: Ինչ-որ գաղտնիք ունի ասելու»: Իսկ, թե ինչ գաղտիքի մասին է խոսքը, փաստաբանը չգիտի:
ArmLur.am-ը զրուցեց նաև Արմեն Տեր-Սահակյանի որդու՝ Աբգար Տեր- Սահակյանի հետ: Վերջինս մեզ հետ զրույցում ասաց, որ մեկ տարին հետաձգում են` պատճառաբանելով, որ մարզանքներին չի մասնակցել:
«Վերջին հինգ տարվա ընթացքում ոչ մի չեպե, ոչ մի բան չունի: Վերջին անգամ նոյեմբերի 1-ին եմ գնացել այցելության, դրանից հետո չեմ տեսել: Այս ամսի 21-ին էլ Վերաքննիչ դատարանում դատն է, չգիտեմ հացադուլ ա, կբերեն, թե չէ: Դրանից առաջ դեկտեմբերի 7-ին էր` հետաձգեցին», – ընդգծեց նա:
Հիշեցնենք, որ Արմեն Տեր-Սահակյանն իր պատիժը շարունակում է կրել «Նուբարաշեն» ՔԿՀ-ում:
Լիդա Եղիազարյան
.gif)
