Ղարաբաղյան հակամարտության կարգավորման բանալին գտնվում է երկու կողմերի ձեռքում: Այս մասին մշտական բրիֆինգի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան՝ պատասխանելով ադրբեջանցի դիվերսանտի դին Ադրբեջանին վերադարձնելու մասին հարցին:
«Ողբերգական դեպք է տեղի ունեցել Հայաստանի և Ադրբեջանի միջև: Երկու երկրները պետք է իրենց մեջ ուժ, իմաստություն, և, իհարկե, դիվանագիտական հնարավորություններ գտնեն այդ բարդ իրավիճակից դուրս գալու համար: Խնդրի լուծման բանալին գտնվում է երկու կողմերի ձեռքում»,-ասել է Զախարովան:
Հիշեցնենք, որ դեկտեմբերի 29-ի առավոտյան Տավուշի մարզի Չինարի գյուղից դեպի հարավ-արևելք ընկած պետական սահմանի հատվածում ադրբեջանական զորքերը դիվերսիոն ներթափանցման փորձ են ձեռնարկել, որի հետևանքով հայկական կողմն ունեցել է 3 զոհ, իսկ ադրբեջանականը՝ 7 զոհ:
.gif)
