ՄԻՋՈՑԱՈՒՄ
- Գրքի երևանյան 13-րդ ցուցահանդես-վաճառքի բացմամբ
մեկնարկում են Մայրենիի շաբաթվա միջոցառումները
Փետրվարի 18-ին, ժ.12:00-ին Խնկո-Ապոր անվան ազգային մանկական գրադարանում (հասցեն՝ Տերյան 42/1) տեղի կունենա Գրքի երևանյան 13-րդ ցուցահանդես-վաճառքի հանդիսավոր բացումը, որը կգործի փետրվարի 18-ից 21–ը:
Միջոցառումը նախաձեռնել են ՀՀ սփյուռքի, ՀՀ մշակույթի նախարարությունները: Ցուցահանդես-վաճառքին աջակցել են ՀՀ ԳԱԱ Հ. Աճառյանի անվան լեզվի ինստիտուտը, Խնկո-Ապոր անվան մանկական ազգային գրադարանը, Հայաստանի գրողների միությունը, ՀԲԸՄ հայկական վիրտուալ համալսարանը և մի շարք հրատարակչություններ:
Բացման խոսքով հանդես կգա ՀՀ սփյուռքի նախարար Հրանուշ Հակոբյանը:
Ողջույնի խոսքով հանդես կգան ՀՀ մշակույթի նախարար Արմեն Ամիրյանը, Հայաստանի գրողների միության նախագահ Էդվարդ Միլիտոնյանը:
ՓԱՌԱՏՈՆ
- Մոսկվա կինոթատրոնում տեղի կունենա Բրիտանական ֆիլմերի 15-րդ փառատոնի բացման հանդիսավոր արարողությունը
Փետրվարի 18-ին 16.30-ին Մոսկվա կինոթատրոնում տեղի կունենա Բրիտանական ֆիլմերի 15-րդ փառատոնի բացման հանդիսավոր արարողությունը, որին կմասնակցեն Երևանում Մեծ Բրիտանիայի դեսպան Ջուդիթ Ֆարնուորթը, Հայաստանում Beeline-ի հասարակայնության հետ կապերի մենեջեր Նաիրա Նազարյանը, ՀՀ մշակույթի փոխնախարար Ներսես Տեր-Վարդանյանը և Բրիտանական խորհրդի հայաստանյան մասնաճյուղի տնօրեն Արևիկ Սարիբեկյանը:
.gif)
