ԵԱՀԿ Մինսկի խմբի համանախագահները համոզված են, որ արցախյան հակամարտությունը ռազմական կարգավորում չի կարող ունենալ և կոչ են անում վերադառնալ բարձր մակարդակով բանակցությունների սեղանին: Այս մասին, ինչպես հայտնում է ՏԱՍՍ-ը, ասել է ԵԱՀԿ ՄԽ ամերիկացի համանախագահ Ռիչարդ Հոգլանդը:
«Բոլոր երեք համանախագահող երկրները վստահ են, որ հակամարտությունը ռազմական կարգավորում չունի»,-ասել է Հոգլանդը:
Նրա խոսքով` համանախագահներն այժմ աշխատում են Հայաստանի և Ադրբեջանի նախագահներ Սերժ Սարգսյանի և Իլհամ Ալիևի հանդիպման կազմակերպման շուրջ:
Իր հերթին, ԵԱՀԿ ՄԽ ֆրանսիացի համանախագահ Ստեֆան Վիսկոնտին հայտարարել է, որ ԱՄՆ-ն, Ֆրանսիան և Ռուսաստանը շարունակում են այդ հարցով համատեղ ջանքերը:
Ավելի վաղ կոչով հանդես էր եկել ԵԱՀԿ ՄԽ ռուս համանախագահ Իգոր Պոպովը:
.gif)
