Եվրոպայի առաջնությունում Արթուր Դավթյանը վեցերորդն է բազմամարտում

Ռումինիայի Կլուժ-Նապոկա քաղաքում շարունակվում է մարմնամարզության Եվրոպայի առաջնությունը:

Երեկ մեկնարկեցին եզրափակիչները: Բազմամարտում Արթուր Դավթյանը զբաղեցրեց 6-րդ հորիզոնականը (82.864 միավոր): Եվրոպայի չեմպիոն դարձավ ուկրաինացի Օլեգ Վերնյաեւը (85.866), երկրորդը` Ռուսաստանի ներկայացուցիչ Արթուր Դալալոյանն էր (85.498), երրորդը` բրիտանացի Ջեյմս Հոլը (84.664):

Այսօր, օղակներ վարժության եզրափակչում կմրցեն Արթուր Թովմասյանը եւ Վահագն Դավթյանը, իսկ նժույգթափերում` Հարություն Մերդինյանը:

Լուսանկարը` Մարմնամարզության եվրոպական միության