ՀՀ առողջապահության նախարար Լևոն Աթունյանն ընդունել է Հայաստանի ամերիկյան համալսարանի հոգաբարձուների խորհրդի նախագահ Լոուրենս Փիթսին, խորհրդի անդամներ Էդուարդ Ավետիսյանին և Երվանդ Զորյանին։
Նախարարը կարևորել է համալսարանի հետ երկար տարիների համագործակցությունը։
«Մենք ձեր մասնագետների կարիքն զգում ենք հատկապես հանրային առողջապահության ծրագրերի իրականացման, հանրային կարծիքի ուսումնասիրման գործում»,-նշել է նախարարը` մասնավորապես անդրադառնալով ծխելու դեմ պայքարում համագործակցությանը։
Լևոն Ալթունյանը Լոուրենս Փիթսին, Էդուարդ Ավետիսյանին և Երվանդ Զորյանին հակիրճ ծանոթացրել է ոլորտում իրականացվող բարեփոխումներին։ Քննարկվել են համագործակցության ընդլայնման հնարավորությունները։
Հոգաբարձուների խորհրդի նախագահը և անդամներն առաջարկել են իրենց համալսարանի ներուժը ևս ընդգրկել հանրային առողջապահության ծրագրերի և այդ ուղղությամբ նախատեսվող հետազոտությունների իրականացմանը։
.gif)
