ԱՍՈՒԼԻՍՆԵՐ`
Հունիսի 6-ին ժամը 12.00-ին «Նոյյան Տապան» լրատվական գործակալության մամուլի սրահում (Իսահակյան 28, 3-րդ հարկ) տեղի կունենա ասուլիս՝ երիտասարդ բժիշկների մասնակցությամբ։
Թեման՝ «Ծխելու արգելքի օրենքը անհատական թե՞ հանրային մարտահրավեր, օրենքի արդյունավետության հավանականությունը և ակնկալվող արդյունքները, գործընթացում առողջապահության ոլորտի ու քաղաքացիական հասարակության ինստիտուտների միջև համագործակցության հնարավորությունը»։
Բանախոսներն են՝
Լևոն Բադալյան- «Նաիրի» բժշկական կենտրոնի քիմիաթերապիայի բաժանմունքի վարիչ
Անուշ Գասպարյան – Նյարդաբան «SIRMED» բժշկական կենտրոնում, Երիտասարդ բժիշկների համաշխարհային կազմակերպության «Ծխախոտի դեմ պայքարի» ծրագրի համակարգող, Նյարդաբանների հայկական ասոցիացիայի անդամ, Երիտասարդ բժիշկների հայկական ասոցիացիայի անդամ
Արամ Բադալյան – Վիրաբույժ – ուռուցքաբան, Վիրաբույժ ՝ գլխի և պարանոցի, Բ. գ. թ., «Արթմեդ» բժշկական կենտրոնի Գլխի և պարանոցի վիրաբուժության բաժանմունքի վարիչ
Հունիսի 6-ին Երևանի Փարիզ հյուրանոցի La Cite սրահում Հայաստանի Հանրապետության Արդյունահանող ճյուղերի թափանցիկության նախաձեռնության (ԱՃԹՆ/EITI) միջոցառումների շրջանակում տեղի է ունենալու Հանքարդյունաբերական ընկերությունների իրական սեփականության բացահայտման և ԱՃԹՆ-ի զեկույցի ներկայացման վերաբերյալ աշխատաժողով:
Միջոցառումը սկսվելու է ժամը 09:00-ին: Աշխատաժողովի առաջին հատվածը (15-20 րոպե) բաց կլինի լրագրողների համար:
Հարցերի դեպքում խնդրում ենք դիմել ՀՀ կառավարության աշխատակազմի ԱՃԹՆ պատասխանատուներ
Լուսինե Թովմասյանին, հեռ. 010 515 954,
կամ Լիլիա Շուշանյանին, հեռ. 010 515 932
Լրացուցիչ տեղեկությունների համար այցելել http://www.gov.am/am/eiti/:
***
Հունիսի 6-ին ժամը 12:00 Փաստարկ մամուլի ակումբի հյուրն է Սոցիոմետր անկախ սոցիոլոգիական կենտրոնի ղեկավար Ահարոն Ադիբեկյանը: ԹԵՄԱ՝ հանրային սպասումները՝ հետընտրական իրողությունների համատեքստում:
***
ՀՈՒՆԻՍԻ 6-ին` ժամը 11.00-ին, «Արմենպրես» լրատվական գործակալության մամուլի սրահում (Սարյան 22) տեղի կունենա արաբագետներ Սարգիս Գրիգորյանի, Արմեն Պետրոսյանի ասուլիսը:
ԹԵՄԱ. Վերջին շրջանում հաճախակի դարձած ահաբեկչությունները որպես մերձավորարևելյան ներկայիս իրողությունների հետևանք. Կատարի հետ մի շարք երկրների կողմից դիվանագիտական հարաբերությունների խզումն ու դրա հնարավոր ազդեցությունը մերձավորարևելյան զարգացումների վրա:
***
Հունիսի 6-ին՝ ժամը 16.00-ին, Արամ Խաչատրյանի տուն-թանգարանում տեղի կունենա մամուլի ասուլիս՝ նվիրված Արամ Խաչատրյանի անվան 13-րդ միջազգային մրցույթին։ Այս տարի առաջին անգամ այն անցկացվում է վոկալ մասնագիտությամբ։ Ասուլիսի բանախոսներն են՝ ՀՀ մշակույթի նախարար Արմեն Ամիրյան, Խաչատրյանի անվան միջազգային մրցույթի հոգաբարձուների խորհրդի նախագահ Արմեն Սմբատյան, մրցույթի ժյուրիի նախագահ, Օպերայի և բալետի ազգային ակադեմիական թատրոնի գեղարվեստական ղեկավար Կոնստանտին Օրբելյան, ժյուրիի անդամ, Հայաստանի ազգային ֆիլհարմոնիկ նվագախմբի գեղարվեստական ղեկավար և գլխավոր դիրիժոր Էդուարդ Թոփչյան։ Ասուլիսին ներկա կլինեն նաև մրցույթի ժյուրիի անդամները, պատվավոր հյուրերը և մասնակիցները։ Ասուլիսից անմիջապես հետո Արամ Խաչատրյանի տուն-թանգարանում տեղի կունենա մրցույթի մասնակիցների ելույթների վիճակահանությունը:
Նույն օրը՝ ժամը 18.00, Արամ Խաչատրյան համերգասրահում կկայանա հայ մեծանուն կոմպոզիտոր Արամ Խաչատրյանի կիսանդրու բացման հանդիսավոր արարողությունը: Բացմանը ներկա կգտնվեն ՀՀ մշակույթի նախարար Արմեն Ամիրյանը, կիսանդրու հեղինակ՝ Հայաստանի վաստակավոր նկարիչ Միքայել Սողոյանը, Արամ Խաչատրյան միջազգային մրցույթի ժյուրիի անդամները, Երևանի Կոմիտասի անվան պետական կոնսերվատորիայի ռեկտոր Շահեն Շահինյանը, Արամ Խաչատրյան տուն-թանգարանի տնօրեն Արմինե Գրիգորյանը, Արամ Խաչատրյան մրցույթի տնօրեն Աննա Տեր-Հովակիմյանը, Հայաստանի Երգչախմբային ընկերության նախագահ Դավիթ Ղազարյանը, երաժշտասեր հանրություն:
Նույն օրը՝ ժամը 19։00-ին, Ալ. Սպենդիարյանի անվան օպերայի և բալետի ազգային ակադեմիական թատրոնում տեղի կունենա Արամ Խաչատրյանի անվան 13-րդ միջազգային մրցույթի բացման հանդիսավոր արարողությունը, որի ընթացքում հանդես կգան Հայաստանի պետական երիտասարդական նվագախումբը և հատուկ այս օրվա համար ժամանած ԱՊՀ երկրների երիտասարդական նվագախումբը, Օպերային թատրոնի երգչախումբը, Բոլշոյ թատրոնի մենակատարներ և այլ պատվավոր հյուրեր։
***
Հունիսի 6-ին, ժամը 11:30-ին Ազդակ լրագրողական ակումբի հյուրն է Լեվ Գրուպ իրավաբանական ընկերության ղեկավար, հայտնի փաստաբան Լեվոն Բաղդասարյանը: Թեման. Նախկին վարչապետ Տիգրան Սարգսյանը դատի է տվել հայաստանյան մի շարք լրատվամիջոցների`Իրավունք թերթ, Ա1+, tert.am, 168 օրաթերթ, Անդրադարձ մամուլի ակումբին` պատիվն ու արժանապատվությունը արատավորելու պահանջով: Իրավունք թերթի եւ Ա1+-ի շահերը ներկայացնող փաստաբանը դատական գործընթացի մասին կանի կարեւոր հայտարարություն: Նշենք, որ նախկին վարչապետը դատի էր տվել վերոնշյալ լրատվամիջոցներին 2016 թվականի նոյեմբեր 4-ին:
***
Հունիսի 6-ին, ժամը 8:30-ին, ՀՀ կրթության և գիտության նախարար Լևոն Մկրտչյանը ներկա կգտնվի «Հայոց լեզու և գրականություն» առարկայի միասնական քննության մեկնարկին՚ Հայաստանի պետական տնտեսագիտական համալսարանում տեղակայված քննական կենտրոնում (հասցե՚ Նալբանդյան 128):
.gif)
