Տավուշի մարզի սահմանամերձ Նոյեմբերյան քաղաքում սոցիալապես խիստ անապահով բնակիչներ կան, ովքեր նախորդ օրվա արտադրված, սակայն խանութներում չվճառված հաց են գնում:
Նախորդ օրը թխված, բայց չիրացված հացը հաջորդ օրն ավելի էժան է վաճառվում: Օրինակ, «Մատնաքաշ» տեսակի հացը, որը թխման օրը չի վաճառվել, 220 դրամի փոխարեն հաջորդ օրը վաճառվում է 150 դրամով:
Գների տարբերությունը` 70 դրամը, խիստ կարիքավոր ընտանիքների համար գումար է: Թեեւ այս երեւույթը Նոյեմբերյանում շատ տարածված չէ, սակայն Ադրբեջանին սահմանամերձ քաղաքում խիստ աղքատ նման ընտանիքների առկայությունը մտահոգիչ է:
Հավելենք, որ բնակչության արտագաղթի, մարդկանց գնողունակության անկման պատճառով Տավուշի մարզում հացի վաճառքի ծավալները նվազել են:
.gif)
