ԱՍՈՒԼԻՍՆԵՐ`
Հուլիսի 7-ին, ժամը 12:00-ին «Մեդիա կենտրոնում» տեղի կունենա մամուլի ասուլիս, որի ընթացքում Թրանսփարենսի Ինթերնեշնլ հակակոռուպցիոն կենտրոնի (ԹԻՀԿ) ծրագրերի ղեկավար Վարուժան Հոկտանյանը կներկայացնի 2017թ. խորհրդարանական ընտրություններին «Ընտրական թվերի էլեկտրոնային մոնիտորինգ» ծրագրի արդյունքները:
***
ՀՈՒԼԻՍԻ 7-ին՝ ժամը 11:00-ին, «Արմենպրես» լրատվական գործակալության մամուլի սրահում (Սարյան 22) տեղի կունենա ՀՀ-ում Ճապոնիայի արտակարգ և լիազոր դեսպանԷյջի Տագուչիի և «Հայ փոքրիկ երգիչներ» միջազգային ասոցիացիայի նախագահ Տիգրան Հեքեքյանի ասուլիսը:
ԹԵՄԱ – «Հայաստանի փոքրիկ երգիչներ» երգչախումբը JVC Kenwood Victor Entertainment Corporation-ի հետ համատեղ թողարկել է ճապոներեն 10 հայտնի երգերից բաղկացածխտասալիկ: Խտասալիկի շնորհանդեսը տեղի է ունենալու հուլիսի 10-ին, Կոմիտասի տուն թանգարանում:
Սիրով հրավիրում ենք լուսաբանելու:
***
Հուլիսի 6-ին, ժամը 16:00-ին, «Նովոստի–Արմենիա» մամուլի կենտրոնում տեղի կունենա մամուլի ասուլիս՝ «Բնակավայրերի անմիջական մոտակայքում Ադրբեջանի բանակի դիրքերի տեղակայման հարցը վերջին միջադեպերի օրինակներով» թեմայով։
Ասուլիսի բանախոսներն են.
– Razm.info մասնագիտացված կայքի համակարգող Կարեն Վրթանեսյան
– վերլուծաբան Գարիկ Հարությունյան,
***
Հուլիսի 7-ին և 8-ին ՀՀ Գիտությունների ազգային ակադեմիայի Աղվերանի հյուրերի տանը կայանալու է ԳԱԱ Արևելագիտության ինստիտուտի կողմից կազմակերպվող Երիտասարդ արևելագետների ամենամյա միջազգային գիտաժողովը: Գիտաժողովն սկսվելու է հուլիսի 7-ին ժամը 10:30-ին:
***
Ասուլիս «Նոյյան Տապան»-ում հուլիսի 7-ին ժամը 12.00-ին «Նոյյան Տապան» լրատվական գործակալության մամուլի սրահում (Իսահակյան 28. 3-րդ հարկ) տեղի կունենա
ասուլիս։
Թեման՝ «Ամուսնալուծությունների ներկայիս վիճակը Հայաստանում. վիճակագրական տվյալներ. իրական և վերտուալ պատճառներն ու հետևանքները. անբարեհաջող ընտանիքների տեսակներն ու երիտասարդության արտագաղթը. իրավական և հոգեբանական մոտեցումներ. խնդրի կարգավորման կոնկրետ առաջարկներ»։
Բանախոսներն են՝
Արկադի Մեհրաբյան – Հոգեբան
Հայկազ Մակարյանը – Իրավաբան, իրավախորհրդատու, գրող, հրապարակախոս
Հավելյալ տեղեկությունների համար դիմել 060-35-11-24 կամ 093-669-339 հեռախոսահամարներով՝ Մարի Պետրոսյանին:
***
«Նոյյան Տապան»-ում հուլիսի 7-ին ժամը 13.00-ին «Նոյյան Տապան» լրատվական գործակալության մամուլի սրահում (Իսահակյան 28. 3-րդ հարկ) տեղի կունենա
ասուլիս՝ մտավորականների մասնակցությամբ։
Թեման՝ «Համահայկական գրողների միությունը վերահրատարակում է «Հայրենիքի ձայն» շաբաթաթերթը (թերթի առաջին խմբագիր Վահագն Դավթյանի թերթը ներկայացնելով նորովի) վերահրատարակման նպատակն ու խնդիրները»։
Բանախոսներն են՝
Աբգար Ափինյանը – Համահայկական գրողների միության նախագահ
Ժան Վարդանը (Սիրիա)- Համահայկական գրողների միության փոխնախագահ
Սամվել Պողոսյան – Համահայկական գրողների միության վարչության քարտուղար:
***
Հուլիսի 7-ին՝ ժամը 10.00-ից, Արամ Խաչատրյանի տուն-թանգարանում տեղի կունենան «Արմենիա» միջազգային մրցույթի դաշնակահարների առաջին փուլի լսումները։
Նույն օրը` հուլիսի 7-ին, ժամը 19.00, Արամ Խաչատրյան համերգասրահում «Արմենիա» միջազգային մրցույթ-փառատոնի շրջանակներումտեղի կունենա «Հնչում է Երևանը» խորագրով համերգային երեկոն։
***
Հուլիսի 7-ին, ժամը 13:00-ին, Երևանի քաղաքապետարանի ճեպազրույցների դահլիճում տեղի կունենա Երևանի քաղաքապետ տեղակալ Արամ Սուքիասյանի և «Ոսկե Ծիրան» միջազգային կինոփառատոնի հիմնադիր և գլխավոր տնօրեն Հարություն Խաչատրյանի համատեղ մամուլի ասուլիսը, որի ընթացքում բանախոսները կներկայացնեն հուլիսի 9-ից 16-ը մայրաքաղաքում անցկացվելիք «Ոսկե Ծիրան» 14-րդ կինոփառատոնի շրջանակում նախատեսված միջոցառումների ծրագիրը:
***
Հուլիսի 7-ին ժամը 11:00-ին ՀՀ ՏԿԶՆ նիստերի դահլիճում տեղի է ունենալու «Մաքուր Հայաստան» գործուղությունների ծրագրի իրականացման միջգերատեսչական հանձնաժողովի հերթական նիստը:
Նիստ ընթացքում զեկուցվելու է ընթացիկ վիճակի, կատարված աշխատանքների մասին: Տեղի է ունենալու նաև «Մաքուր Հայաստան» ծրագրի շրջանակներում հատուկ ստեղծած http://map.transproject.am/ կայք-էջի ներկայացումը, որտեղ տեղեկատվություն է ներկայացված ս.թ. ապրիլին ՀՀ բոլոր մարզերում անձնագրավորված աղբանոցների դասակարգման մասին՝ ըստ փակված, նույնականացման ենթակա և սպասարկման ենթակա դառնալու:
***
Հուլիսի 7-ին, ժ.16:00-ին տեղի ունենա ՀՀ սփյուռքի նախարարության, Համաշխարհային հայկական կոնգրեսի և Ռուսաստանի հայերի միության «Հայապահպանության գործում նշանակալի ավանդի համար» 2016թ. մրցանականակաբաշխության արդյունքների ամփոփման և դիպլոմների հանձնման հանդիսավոր արարողությունը (հասցեն՝ Վ. Սարգսյան 3, 9-րդ հարկ): Բացման խոսքով հանդես կգա ՀՀ սփյուռքի նախարար Հրանուշ Հակոբյանը:
Ողջույնի խոսքով հանդես կգան Համաշխարհային հայկական կոնգրեսի և Ռուսաստանի հայերի միության առաջին փոխնախագահ Վլադիմիր Աղայանը և Համաշխարհային հայկական կոնգրեսի փոխնախագահ Արամ Սարգսյանը:
2016թ. անվանակարգերն են.
«Մայրենիի պաշտպան» (անհատներ), «Լավագույն հայկական կրթօջախ», «ՀՀ և ԼՂՀ անկախությունների 25-ամյակին նվիրված լավագույն հրապարակում» Սփյուռքի լրատվամիջոցների մրցույթ, «Սիրում եմ քեզ, ի՛մ Հայրենիք» մանկապատանեկան շարադրությունների մրցույթ:
Մրցանակաբաշխությունը ՀՀ սփյուռքի նախարարությունն անց է կացնում Համաշխարհային հայկական կոնգրեսի և Ռուսաստանի հայերի միության հետ համատեղ՝ 2010 թվականից: 2010-2016 թթ. մրցանակաբաշխության մասնակիցների ընդհանուր թիվը կազմել է 877՝ 45 երկրից:
***
Հուլիսի 7-ին ժամը 11:00 Փաստարկ մամուլի ակումբի հյուրն է Հայրենական ապրանք արտադրողների միության նախագան Վազգեն Սաֆարյանը: ԹԵՄԱ՝ միջազգայի տնտեսական գործընթացների և միտումների հնարավոր ազդեցությունը Հայաստանի տնտեսության և, մասնավորապես, հայրենական արտադրության զարգացման վրա:
***
ՀՀ-և ԻԻՀ կրթության և գիտության նախարարները կստորագրեն փոխըմբռնման հուշագիր
Հուլիսի 7-ին, ժամը 9.15-ին ՀՀ կրթության և գիտության նախարարությունում ԿԳՆ-ի և Իրանի Իսլամական Հանրապետության գիտության, հետազոտությունների և տեխնոլոգիաների նախարարության միջև կստորագրվի «Գիտության, հետազոտությունների և տեխնոլոգիաների ոլորտներում համագործակցության մասին» փոխըմբռնման հուշագիր: Հուշագիրը կստորագրեն ՀՀ ԿԳ նախարար Լևոն Մկրտչյանը և Իրանի Իսլամական Հանրապետության գիտության, հետազոտությունների և տեխնոլոգիաների նախարար Մոհամմադ Ֆարհադին:
.gif)
