ՏԵՍԱՆՅՈՒԹ. Դոն Պիպոյի գործով կալանավորվածը մենախցում է. վերջինս վախենում է գնալ ընդհանուր խուց

Արթուր Ասատրյանի` Դոն Պիպոյի սպանությունը նախապատրաստելու դեպքի առթիվ հարուցված քրեական գործով կալանավորվածները վախենում են իրենց կյանքի համար: ArmLur.am-ի հետ զրույցում վնասազերծված խմբի անդամներից Արկադի Քոչինյանի պաշտպան Արմինե Ֆանյանը հայտնեց, որ իր պաշտպանյալը մենախցում է եւ սկզբնական փուլում հացադուլի էր դիմել, որ այլ անձանց հետ չհայտնվի ընդհանուր խցում, քանի որ անհանգստացած է իր անվտանգության համար:

Հիշեցնենք, որ մայիսի 24-ին իրավապահների կողմից կանխվել էր Դոն Պիպոյի սպանությունը նախապատրաստելու գործընթացը: Սպանությունը նախապատրաստելու դեպքի առթիվ հարուցվել էր քրեական գործ ՀՀ ՔՕ-ի 35-104 հոդվածի՝ սպանության նախապատրաստություն և 235 հոդվածի հատկանիշներով՝ ապօրինի զենքը պահելը, կրելը։

Հիշեցնենք նաև, որ քրեական գործով մեղադրանք է առաջադրվել չորս անձի։ Երեք անձի մեղադրանք է առաջադրվել ՀՀ քրեական օրենսգրքի 35-104-րդ հոդվածի 2-րդ մասի 7-րդ, 8-րդ կետերով և 235-րդ հոդվածի 2-րդ մասով։ Եվս մեկ անձ ներգրավվել էր որպես մեղադրյալ՝ ՀՀ քրեական օրենսգրքի 38-35-104-րդ հոդվածի 2-րդ մասի 7-րդ, 8-րդ կետերով, ում նկատմամբ հետախուզում էր հայտարարվել և հայտնաբերվել էր դեպքից մի քանի օր անց։

Մանրասները` ArmLur.am-ի տեսանյութում: