Սիրելի գործընկերնե′ր,
մշակույթի նախարար Արմեն Ամիրյանը, Հայաստանի ազգային կինոկենտրոնի տնօրենի նորանշանակ պաշտոնակատար Շուշանիկ Միրզախանյանը և Կինոկենտրոնի նորանշանակ գեղարվեստական ղեկավար-ֆիլմ հանձնակատար Արսեն Բաղդասարյանը հուլիսի 28-ին, ժամը 12։30-ին հրավիրում են նախարարության Խորհրդակցությունների սրահ՝ ներկայացնելու Հայաստանում կինոարտադրության զարգացման ծրագրի կարևոր շեշտադրումները։
***
Հուլիսի 28-ին, ժ.16:00-ին ԵՊՀ մշակույթի կենտրոնի դահլիճում տեղի կունենա ՀՀ սփյուռքի նախարարության «Սփյուռք» ամառային դպրոցի փակման և հավաստագրերի հանձնման հանդիսավոր արարողությունը (հասցեն՝ Ալեք Մանուկյան 1, կենտրոնական մասնաշենք, 6-րդ հարկ): Ծրագիրն իրականացվել է ԵՊՀ հետ համատեղ՝ հինգ ուղղություններով:
Փակմանը կմասնակցեն ՀՀ սփյուռքի նախարար Հրանուշ Հակոբյանը, ԵՊՀ ռեկտոր Արամ Սիմոնյանը, արվեստագետներ, մտավորականներ, հյուրեր:
Միջոցառման ավարտին տեղի կունենա համերգ, որտեղ ելույթ կունենան ԵՊՀ մշակույթի կենտրոնի սաները:
***
Հուլիսի 28-ին, ժամը 11-ին, ՀՀ ԳՆ սննդամթերքի անվտանգության պետական ծառայության շենքում (Կոմիտաս 49/2) հրավիրված մամուլի ասուլիսում սննդամթերքի անվտանգության և որակի հսկողության, անասնաբուժության և բուսասանիտարիայի տեսչությունների պետերը կներկայացնեն 2017 թ. առաջին կիսամյակի ընթացքում իրականացված պետական վերահսկողության արդյունքներն՝ ըստ ոլորտների:
Լրագրողներին հրավիրում ենք լուսաբանելու:
.gif)
