Տրանսպորտի, կապի ու տեղեկատվական տեխնոլոգիաների նախարարության շենքը կվաճառվի. այն աճուրդի կդրվի: Որոշման նախագիծը ներառված է կառավարության վաղվա նիստի օրակարգում։
Նախագծով առաջարկվում է` Հայաստանի Հանրապետության տրանսպորտի, կապի և տեղեկատվական տեխնոլոգիաների նախարարության աշխատակազմ» պետական կառավարչական հիմնարկին ամրացված Նալբանդյան փողոց 28 հասցեում գտնվող շենքը և դրա օգտագործման ու սպասարկման համար հատկացված հողամասից բաժնային մաս հանդիսացող հողամասն օտարել դասական աճուրդով:
Հիշեցնենք, որ շենքը մեկ անգամ էլ էր նախկինում աճուրդի դրվել, սակայն չի վաճառվել` գնորդ չունենալու պատճառով: Հավելենք, որ մինչ շենքը դրվել է վաճառքի, ներսում շինարարական աշխատանքներ են ընթանում, իսկ աշխատակիցների մոտ էլ ճամպրուկային տրամադրություն է:
.gif)
