ՖՈՏՈ. «Վիտամինցի» Տիկոն` Հայաստան վերադառնալու և «Վիտամին»-ի վերսկսման մասին

Տիգրան Գեւորգյանը, նույն ինքը` «վիտամինցի» Տիկոն, արդեն երկար ժամանակ է` կնոջ եւ երեխայի հետ ապրում է Ռուսաստանի Դաշնությունում՝ Սանկտ Պետերբուրգում:

ArmLur.am-ի հետ զրույցում  Տիգրանը նշեց, որ դեռեւս Հայաստան վերադառնալու ծրագրեր չունի: Այնտեղ եւս նա զբաղվում է իր սիրած մասնագիտությամբ:

Հարցին՝ առաջիկայում համագործակցություն «Վիտամին» ակումբի տղաների հետ նախատեսվո՞ւմ է, պատասխանեց. «Համագործակցություն հնարավոր է, ամենայն հավանականությամբ, «Վիտամին» ակումբը կվերականգնի իր գործունեությունը: Վերականգնելու համար բավականին ժամանակ է պահանջվում, ինչպես նաեւ միջոցներ, ժամանակ, ռեսուրս, հովանավոր: Հայերը, ովքեր կվերադառնան հայրենիք, ոչ թե 500 հազարանոց Հայաստան կլինի, այլ գոնե 4 միլիոնանոց Հայաստան»:

Անդրադառնալով անձնականին՝  ընտանիքում համալրում սպասվո՞ւմ է, Տիգրանը նշեց, որ այս տարի ոչ:

Հավելենք, որ «Վիտամինցի» Տիկոն այս տարի ամառային հանգստի չի մեկնել, աշխատանքայի  գերծանրաբեռնվածության պատճառով:

Լիդա Եղիազարյան