Մկրտիչ Արզումանյանը (Մկո) շտապում է տուն

Հայկական հեռուստաէկրանների ամենասիրելի հումորիստ, դերասան Մկրտիչ Արզումանյանն (Մկոն) այսօր տոնում է ծննդյան 41-ամյակը:

ArmLur.am-ի հետ զրույցում Մկրտիչ Արզումանյանը կիսվեց  իր ծննդյան անակնկալներով. «Ինձ համար հետաքրքիր եւ հուզիչ անակնկալ էին պատրաստել երեխաներս: Որդիս եւ դուստրս ինչ-որ ֆիլմ էին նկարահանել իմ նկարաների հիման վրա, երաժշտության ներքո»:

Դերասանի  եւ նրա կնոջ  երազանքներն ու նպատակները կապված են  միայն երեխաների հետ. «Ես ու կինս ամեն ինչ անում ենք, որ մեր բոլոր երազանքները կարողանանք իրականացնել»:

Իսկ թե ինչպես է պատրաստվում նշել տարեդարձը, մանրամասնեց, որ շտապում է աշխատանքը շուտ ավարտին հասցնել, որպեսզի տանը հարազատների հետ նշի 41-ամյակը:

Լիդա Եղիազարյան