Դերասան Անդրանիկ Հարությունյանի (Անդոյի) դստեր՝ Էլենի մկրտությունը տեղի է ունեցել օգոստոսի 22-ին Սուրբ Սարգիս եկեղեցում` դերասան, երգիչ-երգահան Ռիչարդ Մադլենյանի քավորությամբ:
ArmLur.am-ի հետ զրույցում Անդոն պատմել է դստեր մկրտության արարողության մասին. «Որոշեցինք 5- տարեկանում կնքել, քանի որ կլոր տարիք է, եւ արարողությունն անել ոչ թե սրճարանում, այլ այնպիսի վայրում, որտեղ կլինեն իմ բարեկամները: Իմ ընտանիքի հետ կապված բոլոր առիթներին ներկա են եղել միայն իմ հայրն ու մայրը, իսկ իմ բարեկամները ներկա չեն եղել, կնունքը եւս հետաքրքրիր առիթ էր, էլի չհրավիրեցի բարեկամներիս, թող ներեն ինձ»:
Ինչ վերաբերվում է քավորի ընտրությանը, նա նշեց, որ իր կյանքում ունեցել է երեք քավոր. «Ես սիրում եմ, որ շրջպատված եմ լինում լավ մարդկանցով, սրբերով»:
Հայտնի հյուրերի թվում ներկա են եղել դերասանուհի Լուիզա Ներսիսյանը, Հրանտ Թոխատյանը, Ռաֆայել Երանոսյանը, Լիդուշիկը, եւ կամերային թատորնի ողջ անձնակազմը:
«Իմ ամենակարեւոր հյուրը՝ Արամն է, ում հետ ես ծանոթացել եմ «Ես կամ» հաղորդման շրջանակներում»,- ընդգծեց նա:
Հավելենք, որ այսօր Էլենին «մեռոնից հանելու արարողությունը» պետք է տեղի ունենա:
Լիդա Եղիազարյան
.gif)
