Երեկ լարված իրավիճակ էր ստեղծվել Երևան-Իջևան ավտոճանապարհի Հաղարծին գյուղի վարչական տարածքում։ Գյուղացիները, փակելով ճանապարհը, պահանջել են վարչապետ Կարեն Կարապետյանին, քանի որ կառավարությունը հանձնարարել է ոստիկանությանը արգելել գյուղացիներին անտառներից վառելափայտ տեղափոխել:
Ստեղծված իրավիճակի շուրջ ArmLur.am-ը զրուցել է Հաղարծինի վարչական շրջանի ղեկավար Գևորգ Թամրազյանի հետ, ով մեզ հետ զրույցում հայտնեց, որ ավտոճանապարհը բացվել է երեկ երեկոյան:
«Խնդիրը Ոստիկանության, «Հայ անտառ»-ի և բնապահապնության հետ է կապված: Վառելափայտը, որ տրամադրվում է անտառից գյուղացիների կարիքները չի բավարարում, քիչ է»,-ասաց Հաղարծին վարչական շրջանի ղեկավարը:
Ըստ նրա՝ Ոստիկանությունը գյուղացիների հետ բանակցությունների արդյունքում խոստացել է, որ վաղը համապատասխան մարմինների հետ միասին կփորձեն խնդիրը քննարկել և լուծման տարբերակներ գտնել:
Լուսանկարը՝ shamshyan.com-ի:
Լիդա Եղիազարյան
.gif)
