ՖՈՏՈ. Ինչո՞ւ չի կարելի օգտվել անվճար Wi-Fi-ից հասարակական վայրերում

Սրճարաններում, այգիներում, տրանսպորտում մենք վաղուց սովորել ենք օգտվել անվճար Wi-Fi-ից և արդեն մեր կյանքն առանց դրա չենք պատկերացնում: Սակայն  մեզանից քչերն են մտածում, որ ազատ եւ անվճար ցանցերը կարող են վնաս հասցնել սարքավորմանը: Ներկայացնենք մի քանի օրինակ:

Լրտեսներ

Լրտես-միջնորդների օգնությամբ չարագործները կարող են ստանալ Ձեր ինֆորմացիան եւ կարող են այն փոխել կամ տրամադրել ցանկացած այլ մարդու: Դուք օգտվում եք այդ ցանցից և չեք էլ գուշակում, որ լրտեսն այդտեղ է:

Կեղծ

Հաքերային տարածված հնարք է նաև կայքի կրկնօրինակը: Հաքերները փոխում են հասցեն և Ձեզ տանում են կայք, որը Ձեզ մոտ կասկած չի հարուցում: Չնկատելով խաբկանքը` Դուք հավաքում եք Ձեր տվյալները և մուտք գործում համակարգ:

Կոդեր գողացողը

Շատերս սովորել ենք բոլոր սոցիալական ցանցերի համար օգտագործել էլեկտրոնային փոստի նույն  հասցեն կամ կոդը: Դա, իհարկե, հարմար է, սակայն ոչ միայն Ձեր, այլև հաքերների համար:

Համաճարակ

Պատկերացրեք` Դուք միացել եք անվճար կապին, որի հետևանքով վիրուսներ են փոխանցվում Ձեր սարքին: Դրանից հետո դա կարող է մեկ սարքից տարածվել մյուս բոլոր սարքերով, և դրանից ազատվելը հեշտ չի լինի:

Բացի այդ, հաքերները կարող են կոմպրոմատ ունենալ և դրանից հետո Ձեզ շանտաժի ենթարկել:

Վնասակար ծրագրեր

Շատ հաստատություններ խորհուրդ են տալիս հաճախորդներին հատուկ բջջային ծրագիր ներբեռնել և զեղչեր ստանալ: Սակայն մենք այդպես կարող ենք մեր հեռախոսներում վիրուսներ ներբեռնել կամ նոր հնարավորություն ստեղծել հաքերներին  տեղեկատվություն գողանալու համար:

Ինչպես պաշտպանվել`

Հասարակական վայրերում օգտագործեք VPN,

Մի մոռացեք թարմացնել հակավիրուսային ծրագրերը,

Անջատեք Wi-Fi-ը, եթե այն չեք օգտագործում,

Մի վստահեք կասկածելի անվանումով ցանցերին,

Անջատեք Wi-Fi-ից մեխանիկորեն օգտվելը,

Համացանցից գնումներ կամ փոխանցումներ հասարակական վայրերում մի կատարեք,

Անձնական հարցեր այդ դեպքերում մի քննարկեք: