Փետրվարի 10-ին ժամը 12:00-ին «Պոստ Սկրիպտում» մամուլի ակումբում քաղաքական վերլուծաբան Արման Աբովյանը կխոսի Իլհամ Ալիևի վերջին հայտարարության մասին, բանախոսը կանդրադառնա նաև ներքին և արտաքին քաղաքական զարգացումներին:
***
փետրվարի 10-ին, ժամը 16:00-ին` «Տաշիր Սթրիթում» (Հյուսիսային պողոտայի ստորգետնյա հատված) տեղի կունենա «Երևանի սիրտը նոր ռիթմով» խորագրով տոնական միջոցառում՝ նվիրված Տաշիր փողոցի զարգացմանն ուղղված նախաձեռնություններին և ծրագրերին։
Միջոցառման շրջանակում, ի թիվս այլոց, ՀՀ տնտեսական զարգացման և ներդրումների նախարարությունը, ինչպես նաև ՀՀ տնտեսական զարգացման և ներդրումների նախարարության Զբոսաշրջության պետական կոմիտեն «Տաշիր Գրուպ» ընկերության հետ կստորագրեն համագործակցության հուշագրեր։
Նույն օրը Տաշիր փողոցում տեղի կունենա թանգարանային առաջին նմուշի բացման արարողությունը, որին կհաջորդի մշակութային ծրագիր։
***
ՓԵՏՐՎԱՐԻ 12-ին` ժամը 12:00-ին, «Արմենպրես» լրատվական գործակալության մամուլի սրահում (Սարյան 22) տեղի կունենա «Եվրոպա Դոննա Արմենիա» հիմնադիր նախագահ Նվարդ Քոչարյանի, «Եղիր տեղեկացված» ՀԿ նախագահ Արուսիկ Մկրտչյանի, «Եվրոպա Դոննա Արմենիա» ՀԿ խորհրդի անդամ Աննա Խաչատրյանի ասուլիսը:
ԹԵՄԱ – Մեկնարկում է «Վաղ և ճշգրիտ» կարգախոսը կրող արշավը, որը միտված է քաղցկեղի կանխարգելմանը: Բանախոսները կներկայացնեն արշավի մանրամասները, ինչպես նաև կխոսեն Հայաստանում կրծքագեղձի քաղցկեղի հիվանդացության ներկայիս իրավիճակի, հիմնախնդիրների և բուժման արդյունավետության բարձրացման վերաբերյալ:
***
Փետրվարի 12-ին ժամը 12 00 Հայացք մամուլի ակումբի հյուրերն են ԱՀԹ Բյուրավանի Ս. Գրիգոր Լուսավորիչ եկեղեցու հոգևոր հովիվ Տ. Ղազար քահանա Պետրոսյանը և Հայոց ազգագրության թանգարանի գիտական գծով փոխտնօրեն, ազգագրագետ Սվետլանա Պողոսյանը:
Թեման՝ Տյառնընդառաջ՝ տոնի խորհուրդը, ազգային սովորությունները, երբ և ինչպես էին նշում հայերը հնում:
***
Փետրվարի 12-ին ժամը 13 00 Հայացք մամուլի ակումբի հյուրն է Երջանկության գաղտնիք ամուսնական գործակալության տնօրեն Իլոնա Բաղիշյանը:
Թեման՝ Փետրվարի 12-ը ամուսնական գործակալությունների միջազգային օր: Ինչպե՞ս գտնել երկրորդ կեսին և ինչպե՞ս հաջողակ ամուսնանալ:
***
.gif)
