Հայաստանի հավաքականի գլխավոր մարզիչ Ալեքսան Նավասարդյանը ՀԱՕԿ լրատվականի հետ զրույցում նշեց, ճկասուսերակիր տղաները հաջող հանդես չեն եկել, իսկ խոցասուսեր զենքաձեւում մեր մարզիկների մասնակցությունը գնահատեց բավարար.
«Ճկասուսերակիր տղաները՝ Արմեն Դալլաքյանը, Պարգեւ Ստեփանյանը, Հենրիկ Բալիկյանը չեն կարողացել հաղթահարել առաջին փուլը: Խոցասուսերում Էդուարդ Օվիկյանը զբաղեցրել է 43-րդ հորիզոնականը: Բարձր արդյունք չէ, բայց բավարար է: Նույն զենքաձեւում եղբայրներ Արման եւ Վահագն Գրիգորյանները 65-րդն ու 67-րդն էին: Վահագնը հաջող էր հանդես եկել պատանիների Եվրոպայի առաջնությունում»,- ասաց Ալեքսան Նավասարդյանը:
Մարզիչը հայտնեց, որ մինչեւ աշխարհի երիտասարդական առաջնությունը, այս ամիս Էդուարդ Օվիկյանն Իտալիայում կմասնակցի միջազգային ուսումնամարզական հավաքի: Նավասարդյանի խոսքով՝ փորձում են հավաքին ներգրավել նաեւ Էմմա Պողոսովային, որը պատրաստվում է Երեւանում կայանալիք Եվրոպայի Մ 23 տարեկանների Եվրոպայի առաջնությանը:
Մարզիչը նշեց, որ երիտասարդների աշխարհի առաջնությանը կմասնակցեն Էդուարդ Օվիկյանը, Վահագն Գրիգորյանը, գուցե նաեւ Համլետ Մխոյանը:
Լուսանկարը՝ Սուսերամարտի եվրոպական կոնֆեդերացիայի
.gif)
